Xalqaro munosabatlar va

Tashqi aloqalar markaziy organlari.
Tashqi aloqalarning konstituttsiyaviy va siyosiy organlari va mansabdor shaxslarga quyidagilar mansubdir:

• 
  odatda mamlakat aholisi tomonidan saylanadigan hokimiyatning oliy qonunchilik organlari;
  
• 
  kollegial yoki yolg’iz davlat boshlig’i;
  
• 
  hukumat va birinchi navbatda hukumat boshlig’i;
  
• 
  tashqi ishlar vaziri va tashqi ishlar vazirligining markaziy apparati.
  

Tashqi ishlar vazirligi
Tashqi ishlar vazirligi bevosita tashqi siyosatni amalga oshiruvichi asosiy tizim hisoblanadi. Tashqi ishlar vazirligi davlat va hukumatning xorijdagi tashqi aloqalarda doimiy vakili hisoblanadi. Mamlakat ichida esa akkreditatsiya qilingan, tashrif buyurgan elchilar bilan chet davlatlarning vakillari bilan, munosabatlarda, davlat nomidan ish olib boradi.
Vazirlik davlatning tashqi siyosatini amalga oshirish bo’yicha tezkor ish olib boradi. Muntazam ravishda hukumatga tashqi siyosat masalalari bo’yicha axborot va takliflar tayyorlaydi. Bu sohada qabul qilingan qarorlarni amalga oshiradi.
Vazirlik chet davlatlardagi diplomatik vakolatxonalar (doimiy va muvaqqat) ga rahbarlik qiladi, tashqi siyosat kadrlarini tayyorlaydi, tashqi siyosat masalalari bo’yicha strategik muammolarni tahlil qilishga rahbarlik qiladi va tashqi siyosat ishlarini o’rganadi.
Tashqi aloqalarning xorijiy organlarini ikki toifaga ajratish mumkin:
1)Doimiy;
2)muvaqqat organlar.
Doimiy organlar – elchixonalar, missiyalar va xalqaro tashkilotlardagi vakolatxonalar, alohida vakillar, kuzatuvchilar va h.
Doimiy xorijiy organlari o’z faoliyati nuqtai – nazaridan diplomatik organlar sifatida baholanadi (elchixonalar, BMT qoshidagi missiyalar) va h. Konsulliklar diplomatik vakolatxona hisoblanmaydi. Ular diplomatik pasportga ega emas. Yuqoridagi vakolatxonalar doimiy yoki muvaqqat harakterda bo’lishi mumkin.
Tashqi ishlar vazirligi markaziy apparatining muhim tizimi diplomatik rahbarlik nuqtai – nazaridan operativ diplomatik bo’limlardan iborat.