Xalqaro munosabatlar va ijtimoiy-siyosiy fanlar fakulteti jamoatchilik bilan aloqalar kafedrasi

Bitiruv malakaviy ishining maqsadi, vazifalari: Tadqiqot ishi mamlakat turizm salohiyatini rivojlantirishga qaratilgan PR faoliyatini amalga oshirish, turizm PRning OAV bilan munosabatlaridagi jahon tajribasini tadbiq etish, Oʻzbekistonda turizm PRga oid kamchiliklarni oʻrganib chiqish va turizm PR boʻyicha jahon tajribasini respublikamiz faoliyatida keng qoʻllash uchun tavsiyalar berish maqsadida olib borildi. Maqsadga muvofiq quyidagi vazifalar belgilandi:
– PR-texnologiyalar tushunchasi, mohiyati va nazariy asoslarini oʻrganish;
– PR-texnologiyalar turlarini koʻrsatib berish;
– turizm PR tamoyillarini keng ochib berish;
– Oʻzbekistonda turizm PR faoliyatini tahlil qilish;
– tashkilotdagi mediarejalarni oʻrganish;
– mamlakat turizmini shakllantirishning nazariy jihatlarini oʻrganish;
– xalqaro turizm PR masalasini tahlil etish;
– Oʻzbekistonda turizm PRga oid kamchiliklarni oʻrganib chiqish;
– media uchun turizmga oid tadbirlarni tahlil qilish;
– turizm PR boʻyicha jahon tajribasini mamlakatlar misolida oʻrganish va uni respublikamiz faoliyatida keng qoʻllash uchun tavsiyalar berib oʻtish;
– mavzu yuzasidan taqdimot va dastur ishlab chiqish.
Bitiruv malakaviy ishining obyekti va premeti. Ishning tadqiqot obyekti Oʻzbekiston Respublikasi Madaniyat va turizm vazirligi huzuridagi “Milliy PR- markazi” DUK. Predmet sifatida esa ushbu obyekt faoliyatida turizmni rvojlantirishda keng qoʻllaniladigan PR -texnologiyalar oʻrganigan.
Ishda qoʻllanilgan tadqiqot metodlari. Biz izlanishlar davomida tahlil qilish, taqqoslash, tasniflash, umumlashtirish, ilmiy adabiyotlarni oʻrganish, internet saytlardan foydalandik. Tahlil qilish jarayonida materiallarning ilmiyligi, saytdan olinganligi ko’rib chiqildi va toʻplangan ma’lumotlar asosida tavsiyalar ishlab chiqildi.
Bitiruv malakaviy ishini tayyorlashda foydalanilgan adabiyotlar va normativ-huquqiy hujjatlarning qisqacha oʻzaro tahlili. Oʻzbekiston Respublikasi Prezidenti Sh.M. Mirziyoyevning davlat organlarida ochiqlik va oshkoralikni ta’minlashga oid qarashlari, bugungi kun oʻzbek segmentida qoʻllaniladigan PR- texnologiyalari ishning metodologik asosini tashkil etadi. Oʻzbekiston Respublikasining Konstitutsiyasi, tadqiqot mavzusiga oid Oʻzbekiston Respublikasi Prezidentining Farmonlari, Oʻzbekiston Respublikasi Vazirlar Mahkamasining qarorlari, ijtimoiy tarmoqlardagi rasmiy sahifalardagi faktlar va tahlillar shu kabilardan foydalanildi.