Xalqaro jurnalistika fakulteti xalqaro jurnalistika nazariyasi va amaliyoti

Mavzuning o‘rganilganlik darajasi. Mazkur bitiruv malakaviy ishini nazariy asoslari sifatida shu soha yo‘nalishida yaratilgan va ishni yozishda bevosita foydalanilgan muhim ilmiy adabiyotlar, xususan, ingliz olimlaridan Peter E. Mayuex², Steve Jones³, rus olimlaridan Yevgeniy Vayner, Yevgeniy Gorniy⁴, Viktor Pasko, Viktoriya Suxarova, shuningdek, o‘zbek olimlaridan filologiya fanlari doktori, dotsent X. Do‘smuhamedov⁵, filologiya fanlari nomzodlari N. Qosimova⁶, A. Matyakubov⁷, D. Rashidova, N. Muratovalarning ilmiy izlanishlari, bir qator qo‘llanmalari va ko‘plab internet manbalarini keltirish mumkin.
Bugunga kelib nafaqat xorijiy balki milliy jurnalistikamizda ham ijtimoiy tarmoqlarni o‘rni va ahamiyati sezilarli darajada oshib bormoqda. Milliy OAVlarning rivojida ijtimoiy tarmoqlarning o‘rni haqida esa ilmiy risolalar va maqolalarda afsuski fikrlar kam uchramoqda.
Bitiruv malakaviy ishining maqsadi va vazifalari. Ijtimoiy tarmoqlarning jurnalistik faoliyatga ta`sirini, OAV rivojlanishida ijtimoiy tarmoqlarning o‘rni va hamkorligini o‘rganish, shuningdek, jamiyatda ommaviy kommunikatsiya vositalari, Internet, xususan, ijtimoiy tarmoqlarning qanchalik ahamiyat kasb etishini o‘rganishdan iborat. Ko‘zlangan maqsadni amalga oshirishda quyidagi vazifalarga tayaniladi:
- Ijtimoiy tarmoqlarning yuzaga kelish sabablari va tarixini o‘rganish;
- Ijtimoiy tarmoq tushunchasini ijtimoiy ongni shakllantiruvchi jarayon sifatida tahlil etish;
- Ijtimoiy tarmoqlarda e’lon qilinayotgan materiallarni jurnalistik xususiyatlarini aniqlash, ularni ta’sir etish mexanizmlarini ko‘rib chiqish;
- Ijtimoiy tarmoqlarda e’lon qilingan materiallarni jamiyat hayotiga qanchalik ta’sir ko‘rsatayotganlini aniqlash va ularni jurnalistik tahlil qilish, ijobiy va salbiy taraflarini aniqlash;
Tadqiqot ishining predmeti. Ijtimoiy tarmoqlar va uning tarixiy rivojlanishi bosqichlari.
Tadqiqotning obyekti. Milliy va xorijiy OAVlarning ijtimoiy tarmoqlardagi faoliyati, axborot berish, auditoriya bilan ishlash uslublari. Shuningdek OAV (TV, radio, bosma nashrlar)ning ijtimoiy tarmoqlardagi sahifalari, axborot berishdagi o‘ziga xos yondashuvlari.