Xalqaro jurnalistika fakulteti xalqaro jurnalistika nazariyasi va amaliyoti

Birinchidan, har qanday ommaviy axborot vositasi (internet nashrlari bu borada faol. Endi televideniye, gazeta, jurnal va radio) qamrov doirasi keng bo‘lgan xalqaro ijtimoiy tarmoqlar, xususan, bugungi kunda mashhur bo‘lgan “Facebook”, “Twitter”, “Instagram”, “Telegram” kabi tarmoqlarda o‘z rasmiy sahifasini ochishi kerak;
Ikkinchidan, ijtimoiy tarmoqlarni ommaviy axborot vositasining bir turi sifatida qabul qilish bo‘yicha milliy qonunchilik loyihasini ishlab chiqish va jamoatchilik muhokamasiga qo‘yish; (bu orqali ijtimoiy tarmoqlarda har kim asossiz xabarlar, yolg‘on ma’lumotlar, fitnalar joylay olmaydi. Joylangan har bir ma’lumot uchun javobgarlik bo‘ladi).
Uchinchidan, ijtimoiy tarmoqlardagi ommaviy axborot vositalarining rasmiy bloglarida berayotgan ma’lumotlar ushbu ommaviy axborot vositasining o‘z sahifasida e’lon qilingan original variantida berilayotgan axborotlar bilan mazmunan o‘xshash, lekin shaklan farq qilishi kerak. Chunki ijtimoiy tarmoq foydalanuvchilar auditoriyasini, o‘ziga xos til va texnik imkoniyatini hisobga olish zarur; (xabar matni qisqa, asosiy e’tiborni tasvirga qaratish kerak).
To‘rtinchidan, mamlakatda faoliyat olib borayotgan barcha vazirliklar, idoralar axborot xizmatlari ijtimoiy tarmoqlarda rasmiy sahifalarini ochish, ijtimoiy tarmoqlar orqali auditoriyani yangiliklardan xabardor qilib borishi kerak;
Oltinchidan, OAV ijtimoiy tarmoqlar faoliyatini doimiy ravishda marketing qilib borishi kerak. Ya’ni, bu narsa nafaqat OAVning tarmoqdagi blogida o‘quvchilar sonini ko‘paytiradi, balki, dunyo jamoatchiligini, oddiy insonlarni aynan nimalar qiziqtirayotganini bilib olish va shu asosda qiziqarli ma’lumotlar tayyorlash imkonini beradi.
Umuman olganda, ijtimoiy tarmoqlar bugungi kunda ommaviy kommunikatsiyaning muhim axborot almashish vositasi sifatida jamiyatning barcha sohalariga kuchli ta’sir ko‘rsata oladigan tarmoqqa aylanib bormoqda.
O‘ylaymizki, yaqin kelajakda ijtimoiy tarmoqlar yuzasidan mamlakatda milliy qonunchilik yaratiladi, rasmiy OAV sifatida e’tirof etiladi va bizda ham dunyoning yirik tarmoqlari bilan bellasha oladigan milliy ijtimoiy tarmoqlarimiz paydo bo‘ladi va dunyo bo‘ylab ommalashadi.