Xalqaro jurnalistika fakulteti xalqaro jurnalistika nazariyasi va amaliyoti

Telekanallarning ijtimoiy tarmoqlardagi auditoriyasi
Internet rivojlanishi bilan barcha OAVning o‘zining ijtimoiy tarmoqlarda sahifalarini yurita boshladi. Jumladan, telekanallar ham. Biz ularning ayrimlarining sahifalarini tahlil qildik. Nodavlat telekanallarining davlat telekanallariga qaraganda auditoriyasi ancha keng ekanligini, shuningdek, qo‘yiladigan postlar, kontentlarning sifatli ekanini aniqladik.
“Uzreport” telekanalining telegram tarmog‘idagi “UzReport news” kanalida 90 392 ta obunachisi bor ekan. Bundan ko‘rinib turibdiki, uzreport kanalining ham tvda, ham virtual olamda auditoriyasi katta. Shuningdek, boshqa telekanallarning telegram kanallaridagi obunachilari sonini ham taqqoslab ko‘rdik: “Futbol” 720 042 ta, “Sevimli” telekanalining “Sevimli Tv” telegram 35 069 ta, “Milliy” telekanalining “Milliy Tv” 14 010, “Mening yurtim” telekanalining “MY Tv” telegram sahifasida 15 471 ta, shuningdek, mazkur kanalning “Hashtag” teleko‘rsatuvining sahifasida 32 128 ta, “Hudud” teleko‘rsatuvining sahifasida 1 746 ta, “ Markaziy Studiya” teleko‘rsatuvining sahifasida 16 902 ta, “Yoshlar” telekanalining telegram sahifasida 7 353 ta. Mazkur kanallarning har bir sahifasida murojaatlar uchun bot manzillari ham mavjud bo‘lib, siz unda bemalol murojaat qilishingiz mumkin bo‘ladi. Bundan tashqari, qaysidir film yoki ko‘rsatuv, kinolarning anonslarini, to‘liq variantini ham mazkur sahifalardan topishingiz mumkin bo‘ladi. “Yoshlar” telekanalining telegramdagi kanalini kuzatganimizda shuni aniqladikki, postlar juda kam joylanadi va hatto ba’zi kunlarda umuman joylanmaydi. Shuningdek, ba’zi kontentlar talab darajasida ham emas. “Futbol tv” kanalining telegramdagi kanaliga kuniga 20 ta yoki undan ham ko‘proq postlar joylashtiriladi. Mazkur postlar videoli, rasmli, matnli, jadvalli va boshqa xil ko‘rinishlarda bo‘ladi. Shuningdek, kanalda reklama postlari ham joylab boriladi. Bundan tashqari, mazkur kanaldan qaysi davlatda qanday musobaqalar uyushtirilishi, vaqtlari barchasi berib boriladi. Kanalning manzillar joyida esa, boshqa ijtimoiy tarmoqlardagi sahifalari ham berilgan bo‘lib, siz ularga obuna bo‘lishingiz imkonini beradi. Sifatli kontentda berilgan ma’lumot va multimedialar kanalning auditoriyasini yanada kengayishiga xizmat qiladi.