Xalqaro huquqni muhofaza qiluvchi tashkilotlar

 
KAZUS 
Turkiya fuqarosi Mexmet Unur Yaqin Sharq davlatlari hududida bir 
qator  og‘ir  jinoyatlar,  jumladan  terroristik  harakatlarni  sodir  etib, 
O‘zbekiston  hududida  bo‘lgan  vaqtida  O‘zbekiston  Respublikasi  Ichki 
Ishlar  organi  tezkor  xodimlari  tomonidan  ushlangan.  Turkiya  davlati 
vakolatli  organlari  Mexmet  Unur  Turkiya  fuqarosi  ekanligi  sababli  uni 
Turkiyaga ekstraditsiya qilishni so‘ragan. Shu bilan birga, Interpol vakili 
Mexmet  Unur  xalqaro  terrorist  ekanligi,  ko‘pgina  davlatlar  hududida 
terakt sodir etganligi sababli qidiruvdaligini ta'kidlab, uni Xalqaro jinoyat 
sudiga  berishni  talab  qilgan.  Shuningdek,  Mexmet  Unurni  ekstraditsiya 
qilish  bo‘yicha  Iordaniya  Qirolligi,  Siriya,  Misr  davlatlari  vakolatli 
organlaridan ham so‘rovlar kelib tushgan. 
 
1. Mazkur holatga huquqiy baho bering. Xalqaro huquqni muhofaza 
qiluvchi tashkilotlar faoliyatini tartibga soluvchi asosiy xalqaro huquqiy 
hujjatlar haqida ma‘lumot bering. 

---

120 
 
2.  Bir  qancha  davlatlar  hududida  terroristik  harakatlarni  sodir 
etgan chet el fuqarolarini jinoiy javobgarlikka tortish masalasini Xalqaro 
jinoyat sudida ko‘rishga asos mavjudmi? 
3. Turkiya davlatining ekstraditsiya bo‘yicha talabnomasi asoslimi? 
4.  Iordaniya,  Siriya,  Misr  davlatlari  vakolatli  organlarining 
ekstraditsiya talabnomasi asoslimi? 
5.  Xulosalaringizda  xalqaro  huquqni  muhofaza  qilish  faoliyatini 
tartibga soluvchi normalarga asoslaning.