Xalqaro hisob-kitoblar

4. TASHQI IQTISODIY FAOLIYATDA INKASSODAN FOYDALANISH MEHANIZMI

Sotuvchi va xaridor o’rtasida birinchi kelishuvdan tortib, bitimning bajarilishigacha bo’lgan davrda, ko’pgina alohida ishlar zarur bo’lib hisoblanadi. Shunga qaramasdan uchta davrni ajratib olsa bo’ladi:

1. davr - inkasso shartlari haqida kelishib olish

Eksport qiluvchi o’z takliflda to’lovning shartlarini belgilaydi yoki ularni oldi-sotdi shartnomasida xaridor bilan aniqlab oladi.

2 . davr - inkasso topshiriqnomasini berish va hujjatlarni taqdim qilish

Buyurtma olingandan yoki oldi-sotdi shartnomasi tuzilgandan so’ng, sotuvchi buyurtma qilingan mahsulotni bevosita xaridor manziliga, yoki inkasso qiluvchi bank manziliga ortadi. Bir vaqtning o’zida u barcha zaruriy hujjatlarni (faktura, konosament, sug’urta sertiflkati, mahsulotni kelib chikshi to’g’risidagi ma'lumotnoma va boshqalar) tayyorlaydi va ularni o’z bankiga (bank remitent) inkasso topshiriqnomasi bilan birgalikda taqdim qiladi. Remitent bank inkasso qiluvchi bankka zaruriy ko’rsatmalar bilan hujjatlarni yuboradi.