Xalq ta’limi tizimida kadrlarga oid ish yuritish bo‘yicha namunaviy yo‘riqnoma 1-bob. Umumiy qoidalar

5-bob. Ish vaqtini hisobga olish tabelini yuritish  

67. Xodimlarning  ish  vaqtini  hisobga  olish  tabeli  (bundan  buyon  matnda  tabel  

deb  yuritiladi)  tegishli  tarkibiy  bo‘linmalar  boshlig‘i  (rahbar  o‘rinbosari)  yoki  kadrlar  xizmati 

xodimi tomonidan yuritiladi. 

Tabel kadrlar xizmati xodimi tomonidan yuritilganda, xodimlarning haqiqatda ishlaganligi 

barcha tarkibiy bo‘linmalar boshliqlari (rahbar o‘rinbosari) imzosi bilan tasdiqlanadi. 

68. Tabelni  quyidagi  shartli  belgilardan  (qisqartmalardan)  foydalangan  holda 

rasmiylashtirish mumkin: 

---

T  –  ta’tilda,  K  –  mehnatga  layoqatsizlik  varaqasida,  X  –  xizmat  safarida,  

M – malaka oshirishda, D – dam olish kuni, B – bayram kuni, va h.k. 

Agar  shartli  belgilardan  (qisqartmalardan)  foydalanilsa,  tabelning  quyi  qismida  bunday 

belgilarning yoyilmasi yozib qo‘yiladi.  

69. Tabelga ishda bo‘lmaslik sabablari va ish vaqti rejimining xususiyatlari to‘g‘risidagi 

belgilar  rasmiylashtirilgan  hujjatlar  (ta’til  to‘g‘risida  buyruq,  mehnatga  layoqatsizlik  varaqasi, 

xizmat safari va h.k.) asosida to‘ldiriladi. 

70. Tabelni  to‘g‘ri  to‘ldirish  va  o‘z  vaqtida  buxgalteriyaga  topshirish  uchun  bo‘linma 

rahbarlari  xodimning  ish  joyida  bo‘lmagan  kunlari  to‘g‘risida  o‘z  vaqtida  kadrlar  xizmatini 

xabardor qilib boradi. 

71. Tabelni o‘z  vaqtida rasmiylashtirish  uchun  mehnatga  layoqatsizlik varaqasini  xodim 

ishga chiqqan birinchi kunda kadrlar xizmatiga taqdim etishi shart. 

72. Tabel  yurituvchi  tomonidan  har  oyning  15-sanasiga  qadar  hisobot  oyining  birinchi 

yarmi  uchun,  hisobot  oyidan  keyingi oyning  1-sanasiga  qadar  o‘tgan  oy  uchun  tabel  to‘ldirilib, 

oylik ish haqi hisoblash uchun tashkilot buxgalteriyasiga taqdim etiladi.