Xalq ijodiyoti kafedrasi abdurasulov shuhrat muhiddinovich

muvozanatini yо‘qotgan (odamlar) xulqini tartibga keltiradi, mukammallikka 
yetmagan xulqni mukammal qiladi va muvozanatda bо‘lgan (odamlar)  
xulqining muvozanatini saqlab turadi. Bu ilm tananing salomatligi uchun ham 
foydalidir, chunki tana kasal bо‘lsa, ruh ham sо‘ladi, tana tо‘siqqa uchrasa, 
ruh ham tо‘siqqa uchraydi. Shuning uchun ovozlarning ta’siri 
bilan ruhni sog‘aytirish yordamida tana sog‘aytiriladi, ruh esa 
о‘z kuchlarining tartibga solinishi va о‘z substansiyasiga 
moslashtirilishi orqali sog‘ayadi”.     Musiqa singari  qо‘shiq ham xalq hayotida 
muhim ahamiyat kasb etadi.  Xalq og‘zaki ijodiyotining bu muhim shaklini keltirib 
chiqargan, rivojlantirgan, takomillashtirilgan sabablar ichida eng birinchisi va 
belgilovchisi-mehnat, inson amaliy faoliyatidir. 
      Kuy  va  qо‘shiq insonning doimiy hamrohi, uning shod-xurramlikdagi 
yо‘ldoshidir. Demak, qо‘shiq va musiqaning, raqs va baytlarning yuzaga kelish va 
rivojlanish tarixini xalq tarixidan, xalqning kundalik hayoti, uzoq о‘tmishi, bosib 
о‘tgan tarixiy taraqqiyotidan ajratib bо‘lmaydi. 
 Xalq poeziyasi, xalq qо‘shiqlari uning tarixi bilan, mehnat bilan uzviy 
bog‘liqdir. Poeziyada ham, qо‘shiqda ham xalqning ruhiyati, yuksak tuyg‘ulari, pok 
sevgisi, orzu-armonlari, ijtimoiy ahvoli mujassamlashgan bо‘ladi. Shuning uchun 
xalq tarixini uning poeziya va qо‘shiqlari bilan, qо‘shiqlarini esa tarixi bilan 
tushuntirish mumkin. Xalq og‘zaki ijodini, qо‘shiqlarini bilmay turib, mehnatkash 
xalqning chinakkam tarixini bilish mumkin emas. 
        Dunyoda  qо‘shiq aytmaydigan, qо‘shiqdan zavqlanmaydigan, raqs va 
laparlarni, yoqimli kuylarni yoqtirmaydigan bironta ham xalq bо‘lmasa kerak. 
О‘zbeklar ham shular jumlasiga kiradi.