Xaloaro tadoiootlarda o‘ouvchilarning 0‘oish savodxonliginibaholash

1.7. O’QISH SAVODXONLIGINI
BAHOLASH

O’qish savodxonligi doirasidagi anglash, o‘z navbatida, o’quvchilarning o’qish savodxonligidagi bilim saviyasini baholash uchun mo‘ljallangan savol va topshiriqlarda aks etgan bo‘lishi kerak.

Harakatlar rejasi (Ssenariy). O‘qish ma’lum bir maqsad yo‘lida amalga oshiriladigan maqsadli harakatdir. Ko‘plab an’anaviy o‘qishni baholashda, imtihon topshiruvchilariga bir-biriga mazmun jihatdan bog‘lanmagan ko‘plab umumiy mavzular berilgan. O‘quvchilar har bir matndagi savollarga alohida-alohida javob berishgan, so‘ng avvalgisi bilan bog‘lanmagan keyingi matnga o‘tishgan.

Bu an’anaviy shaklda o‘quvchilarning keyinroq keladigan matnga javob berish paytida avvalgi o‘qigan ma’lumotlarini «unutib» qo‘yishi kutilgan. Natijada, ba’zi ajratilgan savollarga alohida javob berilganda o‘qish uchun umumiy maqsad yo‘qoladi.

Harakatlar rejasi asosida baholash usuli, aksincha, o‘quvchilarning topshiriq bilan ishlab, bilimini namoyon etishi orqali ularning nimaga qodir ekanliklarini nisbatan aniq baholash imkonini beradi.

PISA - 2018 baholash tizimidagi harakatlar rejasida o’quvchilarning umumiy maqsadli o‘qishlarini baholash uchun yuqori darajadagi topshi­riqlarni bajarishlariga yordam beruvchi mavzu jihatdan bir-biri bilan bog‘liq matnlar to‘plami mavjud.