X. S. Xadjaev, I. A. Bakiyeva, sh sh. Fayziyev makroiqtisodiyot

Qisqacha xulosalar

Makroiqtisodiy muvozanat mamlakat iqtisodiyotining to’g’ri yoki noto’g’ri yo’ldan borayotganligini ko’rsatuvchi omillardan biri bo’lib hisoblanadi, chunki iqtisodiyotda bo’layotgan doimiy o’zgarishlar har qanday mamlakatni ham iqtisodiy muvozanatdan chiqarib yuborishi mumkin.
Tovar va pul bozorida umumiy muvozanatga erishish shartlari va makroiqtisodiy siyosat tadbirlarining bu ikki bozorga ta’sirini umumlashtirib tadqiq qilish IS - LM modeli yordamida bajariladi.
IS-LM modeli fiskal va monetar siyosatning iqtisodiyotga birgalikda ko’rsatadigan ta’sirini baholash imkonini beradi.
IS-LM modeli ma’lum makroiqtisodiy natijalarga erishishning turli variantlarni ko’rib chiqish imkoniyatini beradi. Bir bozorda bo’lgan o’zgarish ikkinchi bozorga ham ta’sir etadi.
Pul- kredit siyosati foiz stavkalari yuqori bo’lganda samarali bo’ladi. Fiskal siyosat esa foiz stavkasi minimal, ya’ni LM egri chizig’i gorizontal, IS egri chizig’i esa vertikal bo’lganda samaraliroq bo’ladi. Model yordamida makoiqtisodiy siyosat variantlarini tanlash, shuningdek usullarini muvofiqlashtirilgan holda qo’llash va siqib chiqarish samaralarini kamaytirish yo’llarini tahlil etish mumkin.
Tayanch so’z va iboralar: IS – LM modeli, makroiqtisodiy muvozanat, IS egri chizig’i, LM egri chizig’i, muvozanatli foiz stavkasi, muvozanatli daromad, IS tenglamasi, LM tenglamasi

Nazorat savollari

1. 
   Bozor iqtisodiyoti sharoitida makroiqtisodiy muvozanatga erishishning ahamiyati qanday?
   
2. 
   I S - LM modeli qisqa muddatli davrga qanday mexanizmni xarakterlaydi?
   
3. 
   IS egri chizig’i qanday asosda chiziladi?
   
4. 
   IS egri chizig’ida qanday makroiqtisodiy ayniyatlar bajariladi?
   
5. 
   IS tenglamasi qanday ko’rinishga ega?
   
6. 
   LM egri chizig’i qanday asosda chiziladi va unda qanday makroiqtisodiy ayniyat shartlari bajariladi?
   
7. 
   LM tenglamasi qanday ko’rinishga ega?
   
8. 
   I S - LM modeli yordamida makroiqtisodiy muvozanat qanday o’rnatiladi?