X., Boltaboeva G. R. Kar’era qilish qonunlari

М А Ш Қ 
Агар сизга муваффақиятга эришишга кафолат берилган тақдирда 
қиладиган ишларингиз (орзуларингиз) руйҳатини тузинг. Кейин улардан 
бирини танлаб, уни дарҳол бажаришга киришинг.
МУВАФФАҚИЯТНИНГ 2-СИРИ: МАҚСАДИНГИЗНИ АНИҚ ВА 
РАВШАН ИФОДАЛАБ ОЛИНГ 
“Аниқ мақсадли инсон энг оғир йўлдан ҳам ҳаракатланаверади.
Мақсадсиз инсон эса энг текис йўлда ҳам ҳаракат қила олмайди” 
Томас Карлейл 
Ўз орзуларингизни улар унчалик аниқ кўринмаган ҳолатдаги 
кўринишидан қоғозда аниқ ва равшан ёзилган мақсадларга айлантиринг. 
Эҳтимол инсоният тарихидаги буюк кашфиётлардан бири қуйидагидир: «Сиз 
ўзингиз энг кўп фикрлаган ҳолатга мос бўлиб қоласиз». Сиз билан ҳаётда 
нималар бўлишини қуйидаги икки асосий фактор аниқлаб беради: сиз нима 
ҳақида кўпроқ ўйлайсиз ва бу хақда қандай фикрлайсиз. Муваффақиятга 
эришган инсонлар асосан ўз мақсадлари ҳақида ўйлайдилар. Натижада улар 
доимий равишда бу мақсадлар сари ҳаракатланадилар ва уларнинг 
мақсадлари ҳам доимий равишда уларга томон ҳаракатланади. Бирор-бир 
нарса ҳақида қанчалик кўп вақт ўйласангиз, унинг сизнинг ҳаётингиздаги 
аҳамияти ҳам шунчалик кўп ортади. Агар сиз ўз мақсадларингиз ҳақида 
доимий равишда фикрласангиз, улар ҳақида гапирсангиз ва уларни кўз 
олдингизга келтирсангиз, сиз ҳаётда фақатгина ўзининг қийинчиликлари ва

---

 
Ayupov R.X., Boltaboeva G.R. 
муаммолари ҳақида гапирадиган ҳамда ўйлайдиган одамга нисбатан жуда 
ҳам кўп нарсаларга эришасиз. Қуйида сизга бадавлат бўлиш учун керакли 
бўлган мақсадни қўйиш ва унга эришишнинг етти босқичдан иборат бўлган 
кетма-кетлиги келтирилади: 
Биринчидан, ҳаётингизнинг ҳар бир жабҳасида, айниқса, молиявий 
соҳада нималарни исташингизни аниқ ифодаланг. Кўпчилик инсонлар бу 
ишни ҳеч қачон қилмайдилар.