X., Boltaboeva G. R. Kar’era qilish qonunlari

МУВАФФАҚИЯТНИНГ 6-СИРИ: ИЛОЖИ БОРИЧА КЎПРОҚ ВА 
ТИРИШҚОҚЛИК БИЛАН ИШЛАНГ 
«Тиришқоқлик билан ишлаганим сайин,
шунчалик баҳтли бўлаяпман». 
Джеймс Тербер 
Ўз меҳнати туфайли бадавлат бўлган барча инсонлар жуда ҳам катта 
тиришқоқлик билан ишлаганлар. Улар ишхонага ҳаммадан ҳам эрта 
келганлар, иш вақтида бошқаларга қараганда берилиб ишлаганлар ва 
бошқалардан кейин уйларига кетганлар. Улар кўпчиликка ўз фаолият 
доираларидаги энг меҳнаткаш инсонлар бўлиб танилганлар.

---

 
Ayupov R.X., Boltaboeva G.R. 
Амалий фаолиятингизда «40 плюси билан» формуласини ишлатинг. 
Бунинг маъноси шундан иборатки, сиз ҳафтасига 40 соат яшаш учун 
ишлайсиз, 40 соатдан ортиқ эса муваффақиятга эришиш учун ишлайсиз. Агар 
40 соатгина ишласангиз, у ҳолда бу сизга яшаш учун етади, аммо катта 
муваффақиятларга ҳеч қачон эриша олмайсиз. Натижада катта молиявий 
ғалабага ҳам эриша олмайсиз. Сизнинг ҳамкасабаларингиз эса сизни 
ҳақиқатан ҳам ҳурмат қилмайдилар ва сизни юқори бахоламайдилар. 
Ҳафтасига фақатгина 40 соат ишлаган ҳолингизда ўртача одамлигингизча 
қолиб кетаверасиз. Аммо ҳафтасига 40 соатдан ортиқ ишлаган ҳар бир 
соатингиз сиз учун келажакка қилинган инвестиция (жамғарма) бўлиб 
қолаверади. Агар ҳафтасига 40 соатдан ортиқ қанча миқдорда 
ишлаётганингизни ва бу вақтларда нима қилаётганингизни билсангиз, у 
ҳолда келажакда ким бўлишингизни аниқ айтиб бериш мумкин бўлади. Узун 
иш кунлари ва тиришқоқлик билан ишлашга ҳеч нимани алмаштириб 
бўлмайди. Унй миқёсида ўз меҳнатлари билан бадавлат бўлган инсонлар 
ҳафтасига ўртача ҳисобда 59 соатдан ишлашар экан. Баъзиларида эса бу 
кўрсатгич 70 ёки 80 соатга етгани ҳам кузатилган. Улар ҳафтасига 6-7 кун иш 
билан банд бўладилар. Уларнинг иш кунлари ҳам бошқаларникига қараганда 
анча узун. Агар бундай инсонлар билан учрашиш керак бўлса, уларга иш 
вақтидан олдин ёки иш вақтидан кейин қўнғироқ қилиш керак бўлади.
Юқоридагиларга яна бир фикрни ҳам қўшимча қилиш мумкин: 
ишхонада бўлган вақтингизда доимо ишланг – бекорчи ишларга чалғиманг. 
Агар ҳамкасабалар сиз билан чақчақлашиб, гап сотмоқчи бўлсалар, кечирим 
сўранг ва айтинг: «Мен ишимни давом эттиришим керак!». Юқорида 
айтилганлар албатта уй ишларини қилмасликни, дўстлар ва ҳамкасабалар 
билан мулоқот қилмасликни ёки газета ва журналлар ўқимасликни 
англатмайди. Муҳими, иш вақтида иш билан банд бўлинг. Шу бугуноқ 
ишхонада ҳаммадан кўра кўпроқ, тиришқоқроқ ва унумли ишлайдиган ходим 
бўлиш ҳақида қарор қабул қилинг ҳамда уни оғишмай амалга оширинг. 
Бундай мутаҳассис бўлиш сизга ҳаётда катта муваффақиятларга 

---

 
Ayupov R.X., Boltaboeva G.R. 
эришишингизда қимматли ёрдам бериши мумкин бўлган инсонларнинг 
диққат-эътиборини қаратади.