Uchinchi kitob

O‘zbekiston Respublikasi Prezidenti FARMONI
Xuan Antonio Samaranchni «Buyuk xizmatlari uchun» ordeni bilan mukofotlash to‘g‘risida
Olimpiya harakatini rivojlantirish, davlatlararo hamkorlikni, tinchlik, xalqlar o‘rtasida do‘stlik va hamjihatlikni mustahkamlashda- gi xizmatlari hamda 0‘zbekiston sportini qo‘llab-quwatlayotgani va uning xalqaro maydonda o‘z о‘mini egallashiga qo‘shgan ulkan his­sasi uchun Xalqaro Olimpiya Qo‘mitasining Prezidenti Xuan Antonio Samaranch «Buyuk xizmatlari uchun» ordeni bilan mukofotlansin.
O‘zbekiston Respublikasining
Prezidenti I. KARIMOV
Toshkent shahri,
1996-yil 29-avgust.0‘zbekistonda mustaqillikning keyingi 10 yili mamlakatda jis- moniy tarbiya va sportni ommaviylashtirishda alohida davr bo‘ldi. Bu borada bolalar sportini rivojlantirish respublika jamg‘armasining tashkil qilinishi, 2000-yildan boshlab oliy o‘quv yurtlari talabalari o‘rtasida «Universiada», o‘rta maxsus kasb-hunar kollejlari talabala­ri o‘rtasida «Barkamol avlod», umumta’lim maktablar o‘quvchilari o‘rtasida «Umid nihollari» sport musobaqalarining uyushtirili- shi muhim ahamiyatga ega voqealardir. Shu yillar mobaynida na­faqat sportning xalq o‘rtasidagi ommaviyligini ta’minlash, balki ayrim sport turlarini rivojlantirishga katta e’tibor berildi. Jumladan, 0‘zbekcha kurash, tennis, shaxmat, boks bo‘yicha 0‘zbekiston spor- ti jahon miqyosida o‘z o‘miga ega bo‘ldi. Tennis bo‘yicha Iroda To‘laganovaning, boks bo‘yicha Ruslan Chagayev va Muhammad- qodir Abdullayevlaming dunyo sport arenalaridagi yutuqlari diqqat- ga sazovordir. Ayniqsa, Rustam Qosimjonovning shaxmat bo‘yicha jahon chempioni unvoniga ega bo‘lishi o‘zbek sportini, umuman, 0‘zbekistonning jahon miqyosida obro‘-e’tiborining oshishiga olib kelgan tarixiy voqea deyish mumkin.
O‘zbekiston Respublikasi Prezidentining FARMONI
R. Qosimjonovni Amir Temur ordeni bilan mukofotlash to‘g‘risida
Shaxmat bo‘yicha 2004-yil jahon birinchiligida g‘oliblikni qo‘lga kiritib, xalqimizga xos yuksak intellektual salohiyat, mardlik va jasorat namunasini amalda namoyon etgani, Vatanimizning xalqa­ro maydondagi obro‘-e’tibori va nufuzini oshirish, uning shuhratini butun dunyoga tarannum etishga qo‘shgan ulkan hissasi uchun Rus­tam Qosimjonov Amir Temur ordeni bilan mukofotlansin.