Toshkent davlat yuridik universitetining akademik halollik va tadqiqot etikasi kodeksi

 Tadqiqot savollarini shakllantirish. 
Tadqiqot savoli — bu tadqiqotchi ilmiy ishida javob berishni oʻz oldiga 
maqsad qilib qoʻygan savollar hisoblanadi. Tadqiqot savollari bir nechta 
savollardan yoki bitta asosiy savol va undan kelib chiqadigan kichik 
savollardan iborat boʻlishi mumkin.
Masalan, yuqoridagi misol boʻyicha davom ettirilsa, tadqiqot savollari 
sifatida quyidagilarni belgilash mumkin: 
a) Narxlarning sunʼiy oshirilishini tartibga soluvchi raqobat qonunchiligi 
normalari amaliyotda samarasiz qoʻllanilishining asosiy sabablari nima? 
b) Raqobat qonunchiligidagi narxlarning sunʼiy oshirilishi boʻyicha kartel 
kelishuvlariga oid normalar qay darajada ilgʻor xorijiy tajriba va soʻngi 
tadqiqotlarga asoslangan? 

---

42 
v) Narxlarni sunʼiy oshirish mexanizmini takomillashtirish uchun 
qonunchilikka qanday oʻzgartirishlar kiritish kerak? 
Tadqiqot savollari shakllantirilgandan keyin tadqiqot maqsadi va unga 
erishish uchun tadqiqotchi oʻz oldiga qoʻygan vazifalarni aniq bayon etish kerak 
boʻladi.
118.
 Tadqiqot maqsadini shakllantirish. 
Tadqiqot maqsadi –tadqiqotchining ilmiy ishidan koʻzlayotgan asosiy 
maqsadida ifodalanadi.
 
Tadqiqot maqsadi tadqiqotning asosiy maqsadini 
tavsiflaydi va nimaga erishish kerakligini koʻrsatadi. Tadqiqot vazifasi esa 
tadqiqot maqsadiga qanday erishishni belgilab beradi. Shunday qilib, tadqiqot 
vazifalari asosiy maqsadni bir necha qismlarga ajratadi va har bir qismni 
alohida koʻrib chiqadi. Tadqiqot maqsadi bitta jumla yoki qisqa paragraf 
sifatida ifodalanadi, tadqiqot vazifalari esa raqamlangan koʻrinishda (markerli 
yoki bajariladigan matnda) keltirilgan. 
Masalan, tadqiqot maqsadi sifatida quyidagilarni keltirish mumkin: 
Tadbirkorlar tomonidan narx boʻyicha kartel kelishuvlariga qarshi kurashish 
tizimini takomillashtirish uchun qonunchilikka amaliy takliflarni ishlab 
chiqish. 
Tadqiqot vazifasi sifatida esa quyidagilarni keltirish mumkin:
- Oʻzbekiston Respublikasi raqobat qonunchiligini tahlil qilish; 
- Kartel kelishuvlariga qarshi institutsional tizim holatini oʻrganish va 
baholash; 
- Kartel kelishuvlariga qarshi kurashish boʻyicha ilgʻor xorijiy tajribani 
oʻrganish va milliy qonunchilik bilan qiyosiy tahlil qilish;
- Oʻzbekistonda kartel kelishuvlarining fosh etilish darajasi pastligining 
sabablarini aniqlash. 
Dissertatsiyaning hajmi cheklanganligi va tadqiqot qamrovi kengayib 
ketmasligi uchun tadqiqotning chegarasini aniq belgilash lozim. 
119.