Tayyorlash va ularning malakasini oshirish hududiy markazi

V. Yangi mavzuni mustahkamlash. Darslik bilan ishlash. Matn asosida savol-javob qilinadi. Monitorda har bir guruh uchun savol va topishmoqlar beriladi. Har bir guruh o’zaro maslahatlashib monitordagi savol va topishmoqlarning javoblarini aytadi.

Savollar:

1. Tabiatning bizga bergan tuhfasi nima?

2. Odamlar qanday hatti-harakatlari bilan tabiatga zarar etkazmoqdalar?

3. Tabiatni muhofaza qilish uchun nimalar qilish kerak?

Topishmoqlar:

1. Zar gilam, zar-zar gilam,   Ko’taray desam, og’ir gilam.

2. Erga tushsa, loy qilar,   Bu olamni boy qilar.

3. O’yib oldim, izi yo’q. O’quvchilarning javoblari tekshirilib, faol o’quvchilar rag’batlantiriladi.

Keyin monitorda har bir guruh uchun muammoli savollar namoyish etiladi. 1-guruh: O’rtog’ingiz maxsus quroli bilan qush ovlamoqda. Bu vaziyatda sizning harakatingiz.

2-guruh: Tasavvur qiling, maktabdan uyga qaytayotganingizda ko’chada bir guruh bolalar xazonga o’t qo’ymoqchi bo’lib turibdi. Bunday vaziyatda qanday yo’l tutgan bo’lardingiz?

3-guruh: Uyda ukangiz yoki singlingiz suvdan foydalanib, uni o’chirmasdan o’z ishida davom etyapti. Suv esa behudaga oqib ketyapti. Bu holatda nima qilish kerak? Guruhlar o’z fikrlarini qog’ozga yozadilar va o’qib beradilar. So’ng o’qituvchi tomonidan umumiy xulosa qilinadi.