Tasdiqlayman” Yangiqo‘rg‘on axborot texnologiyalari texnikumi direktori

O‘rin almashtirish usullari. O’rin almashtirish usullariga binoan dastlabki matn belgilangan uzunlikdagi bloklarga ajratilib har bir blok ichidagi simvollar o'rni ma’lum algoritm bo'yicha almashtiriladi. Eng oson o‘rin almashtirishga misol tariqasida dastlabki axborot blokini matritsaga qator bo'yicha yozishni, o'qishni esa ustun bo‘yicha amalga oshirishni ko‘rsatish mumkin. Matritsa qatorlarini to‘ldirish va shifrlangan axborotni ustun bo'yicha o‘qish ketma-ketligi kalit yordamida berilishi mumkin.

Usulning kriptobardoshligi blok uzunligiga (matritsa o‘lchamiga) bog’liq.

Masalan, uzunligi 64 simvolga teng bo‘lgan blok (matritsa o‘lchami 8×8) uchun kalitning 1,6 × 10 usti 9 kombinatsiyasi bo‘lishi mumkin. Uzunligi 256 simvolga teng bo'lgan blok (matritsa o‘lchami 16×16) kalitning mumkin bo‘lgan kombinatsiyasi 1,4 × 10 usti 26 ga yetishi mumkin. Bu holda kalitni saralash masalasi zamonaviy EHMlar uchun ham murakkab hisoblanadi.

Gamilton marshrutlariga asoslangan usulda ham o‘rin almashtirishlardan foydalaniladi.

O‘rin almashtirish usullarini amalga oshirilishi sodda bo‘lsa-da, ular ikkita jiddiy kamchiliklarga ega.

Birinchidan, bu usullarni statistik ishlash orqali fosh qilish mumkin.

Ikkinchidan, agar dastlabki matn uzunligi K simvollardan tashkil topgan bloklarga ajratilsa, shifrni fosh etish uchun shifrlash tizimiga bittasidan boshqa barcha simvollari bir xil bo’lgan test axborotining K-l blokini yuborish kifoya.