Samarqand davlat arxitektura qurilish instituti

Mustaqil ishlash uchun test masalalari!

1. Natriy xloridning eritmasi orqali 3,5 soat davomida elektr toki o‘tkazildi. Shundan so‘ng eritmadan mo‘l uglerod (IV) oksid o‘tkazilganda, 13,5 g tuz hosil bo‘lgan, ajralib chiqqan jami gazlar hajmi (n.sh.) va eritmadan o‘tkazilgan tok kuchining qiymati topilsin.

2. Kaliy nitrat eritmasi 2,5 soat mobaynida elektroliz qilinganda anodda 4,48 l gaz ajralgan. Eritmadan o‘tkazilgan tok kuchi qiymati topilsin.

3. Ikki valentli metall nitratining eritmasi orqali 1 soat davomida 30,92 A tok o‘tkazilganda 32,3 g metall hosil bo‘lgan. Bu qaysi metall?

4. Elektroliz unumi 85 % bo‘lganda ikki valentli metall sulfatining suvli eritmasi orqali 39 min davomida 7,19 A tok o‘tganda katodda 14,9 g metall ajralgan. Bu qaysi metall?

5. Tarkibida rux sulfat bo‘lgan 50 g tuz eritmasi elektroliz qilindi. Agar ruxni batamom ajratib olish uchun 3,24 A kuchga ega bo‘lgan elektr toki 3 soat mobaynida o‘tkazilgan bo‘lsa, elektroliz uchun olingan tuzdagi rux sulfatning massa ulushini toping.