Qurilish materiallari

Penopoliuretanlar poliefir polimerlari, diizotsianat, katalizator, nulgator va suv aralashmasining kimyoviy reaksiyalari nalijasida ko'pchitib hosil qilinadi. Poliuretan bikr va elastik holda tayyorla-nadi. Poliuretanning o'rtacha zichligi 50-60 kg/m⁵, λ = 6,02- W/(_m.°C), ishchi harorati -50°C dan +110°C gacha, suv shimuvchanligi 2-5%. Bikr poliuretan kichik o'rtacha zichlikka va yuqori mustahkamlikka ega bo'lib, suv va agressiv muhitlarga bardoshli, metall yuzalarga juda katta kuch bilan yopishadigan samarali issiqlik izolatsiyasi materialidir (14.13-rasm).

14.13-rasm. Penopoliuretan


Bikr poliuretan plita uch qatlamli panellar, segmentlar, qobiqlar tayyorlashda, truboprovodlar uchun sovuq sharoitda ko'pchiydigan va qotadigan monolit issiqlik izolatsiyasi qoplamalari hosil qilishda ishlatiladi. Monolit qoplamalar tayyorlaganda yuzalarni gidroizolatsiya qilishga zarurat bo'lmaydi, chunki penopoliuretan massasi juda katta kuch bilan metall quvurning tashqi qolipiga urungani sababli o'ta zich qatlam hosil bo'ladi. Penopoliuretan asosida ikki tomoni zanglamaydigan po'lat listlar bilan qoplangan, istalgan o'lchamdagi panellar ishlab chiqariladi va sanoat binolarida tom, devor issiqlik izolatsiyasida ishlatiladi. U biologik muhitlarga bardoshli bo'lgani uchun zamburug'lar va mikroorganizmlar ta'sir etishi ehtimoli bo'lgan joylarda ishlatiladi. Elastik panellar choklarini germetizatsiyalash uchun ishlatiladi. Poliuretan qurilishda ishlatilganda yonuvchanligini hisobga olish kerak.
Penopolistirol polistirolga g'ovak hosil qiluvchi komponentlar q o'shib tayyorlanadi. Uning o'rtacha zichligi 25-40 kg/m³, yedirilishga bardoshli, suv va kimyoviy muhitlarga chidamli, λ = 0,05 W/(m.°C), ishchi harorati 70°C gacha. Penopolistirol uch qatlamli panellar, to'siq konstruksiyalar tayyorlashda ishlatiladi (14.14-rasm).



14.14-rasm. Penopolistirol