Qurilish materiallari

14.5-rasm. Asbest-qog‘oz


Asbest-kanop diametri 0,75-55 mm li bir nechta eshilgan iplardan tayyorlanadi.Asbest-kanoplar kichik diametrli truboprovodlar (89 mm gacha) ishchi harorat 500°C gacha issiqlik izolatsiyasi uchun ishlatiladi.
Asbest-mato asbest iplaridan to'qish stanoklari yordamida olinadi va uzunligi 25 m gacha, eni 1 m, qalinligi 1,4-3,5 mm bir en mato ko'rinishida o'rama material sifatida ishlab chiqariladi (14.6-rasm). Asbest- matoning o'rtacha zichligi 600 kg/m³, λ si 0,1 W/(m.°C). Asbest-mato kichik diametrli quvurlar issiqlik izolatsiyasi uchun ishla­tiladi. Asbest-matoning yuzasi parisuna bilan qoplanadi.





14.6-rasm. Asbest-mato


Asbest-to'shaklar asbest-matodan tikilib, ichiga 1IM (mineral yoki shisha-paxtalar, tolali asbest) to'ldirilgan to'shak ko'rinishida tayyorlanadi. To'shaklar uzunligi 8-10 m, qalinligi 30-50 mm, eni talabga ko'ra bo'ladi. Asbest-to'shakning o'rtacha zichligi 300- 400 kg/m³, issiqlik o'tkazuvchanligi 0,09-0,11 W/(m.°C).
Sovelit massa bo'yicha 85% dolomit (CaCO.MgSO,) va 15% asbest aralashmasi asosida olinadi. Sovelit asosida uzunligi 500 mm, eni 170. 250, 500 mm, qalinligi 40-75 mm li plitalar, segmentlar va uzunligi 500 mm, ichki diametri 57-426 mm, qalinligi 40-80 mm li yarim silindr tayyorlanadi (14.7-rasm). Sovelit kukuni suvda qorilib, izolatsiyalanadigan yuzaga surtilishi mumkin. Sovelit buyumlarning turg'un holatdagi o'rtacha zichligi 400 kg/m³ gacha, issiqlik o'tkazuvchanligi 0,083 W/(m.°C) gacha bo'ladi. Sovelit buyumlar sanoat va texnologik asbob-uskunalar, truboprovodlar yuzasini ishchi harorat 500°C gacha bo`lganda termoizolatsiyalash uchun ishlatiladi.





14.7-rasm. Sovelit plita


Asbest-mineral tolali mastikalar noorganik bog'lovchilar asosida suv qo'shib tayyorlanadi. Ular sanoat asbob-uskunalari va truboprovodlarning issiqlik izolatsiyasi uchun ishlatiladi.