Протолитик мувозонатлар, кислота ва асосларни протолитик назарияси хақида тушунча

HB ↔ H⁺+B^- (5.1)
Бу ерда НВ кислота ва В^- асос деб аталади. Улар ўзаро узвий боғланганлиги биридан иккинчиси ҳосил бўлиш тенгламасидан кўриниб турибди.
НВ - В^- асос билан узвий боғланган кислота,
В - НВ кислота билан узвий боғланган асос.
Сувли эритмаларда (5.1) тенгламани қуйидагича ёзиш мумкин:
НВ+Н₂О ↔ Н₃О⁺+В^— (5.2)
Айни холда: НВ (1-кислота) ва В^-(1-асос),
Н₃О⁺ (2-кислота) ва Н₂О (2-асос) ўзаро узвий боғланган.
Масалан,
CH₃COOН ↔ H⁺+CH₃COO^-
(сирка) кислота асос (ацетат иони)
NH₃ + H⁺ ↔ NH₄⁺
асос (аммиак) кислота (аммоний иони)
C₅H₅N + H₂O ↔ C₅H₅NH⁺
асос (пиридин) кислота (пиридиний иони)
HS^- + H⁺ ↔ H₂S
асос (гидросульфид ион) кислота (водород сульфид)
Бренстед-Лоури назариясига биноан кислота ва асослар протолитик мувозанатда бўлади.
Кенг маънода – протон, яъни водород иони H⁺ алмашинуви содир бўладиган мувозанатларнинг барчаси протолитик мувозанат дейилади.
Тор маънода – прототроп реакциялардан фарқли равишда, протон берувчи ёки протон бириктириб олувчи сув молекулалари иштирокида борадиган реакциялар протолитик мувозанат дейилади.
H₂O = H⁺+OH^-
H₂O+H⁺=H₃O⁺
Тоза, суюқ сувда ҳам қуйидаги протолитик мувозанат мавжуд:
H₂O+ H₂O=H₃O⁺+ОH^-
Протон ташувчи сув молекуласи эмас, балки бошқа модда зарралари бўлганда бундай реакциялар прототроп реакциялар дейилади. Масалан, пиридин ва водород хлориди орасидаги реакцияда
C₅H₅N + HCl = C₅H₅NH⁺+Cl^-
водород хлорид молекуласидаги водород иони пиридин молекуласига сув молекуласи воситада эмас, балки бевосита ўтади.
Бундан кейинги баёнларимизда протонлар иштирокида борадиган барча реакция ва мувозонатларни протолитик мувозанат деб атаймиз, яъни протолитик мувозанатни кенг маъносини ишлатамиз.
Кислота ёки асосни эритувчи молекулалари билан протон алмашинуви протолиз реациялари дейилади.
Протонни бириктириш ва ажратиш қобилияти бўлган моддалар амфолитлар (ёки амфотер моддалар) дейилади. Амфолитларга сув, гидрокарбонат иони НСО₃^-, гидросульфид иони HS^- ва бошқалар киради. Масалан, гидрокарбонат ионини протон ажратиши:
НСО₃^-= Н⁺+СО₃^-2
ёки бириктириб олиши:
НСО₃^-+Н⁺= Н₂СО₃= Н₂О +СО₂↑
Сув хам юқорида кўрсатилганидек, протонни нафақат бериш
Н₂О=Н⁺+ОН^-
балки бириктириб олиш
H₂O+ H⁺=H₃O⁺
хусусиятига эга. Гидросульфид хам шундай: