Ҳаракатларнинг асосий турлари.
1.Сакрашлар-скамейкадан ярим букилган оёқларга сакраб тушиш(6-8марта).
2.Шеренгаларда туриб,тўпларни бир бирига кўкракдан ирғитиш(масофа3м)-8-10марта.
3.Тўрт оёқлаб тўсиқлардан эмаклаб ошиб ўтиш.(2 марта).
Дастур мазмуни.Оёқ учида,товонда юришга,1,5минутгача югуришга машқлантириш;тўплар билан бажариладиган ўйин машқларини ўрганиш;югуриш ва сакраш билан бажариладиган ўйин машқларини такрорлаш.
Жиҳозлар: болалар сонига тенг тўплар(диаметри-20-25см).
1-қисм.Шеренга бўлиб сафланиш,биттадан колонна бўлиб қайта сафланиш.
Биттадан бўлиб колоннада юриш;тарбиячининг сигнали бўйича оёқлар учида юриш,қўллар белда,бошқа сигнал бўйича 1,5минутгача югуриш,сўнгра оддий юриш,оёқлар учида ва яна 30 секундгача югуриш.
2-қисм.Ўйин машқлари ”Тўпни олиб юр”(*баскетбол варианти).Барча ўйнайдиганларга биттадан катта тўп берилади.Тарбиячи тўпни қандай олиб юришни кўрсатади:ҳаракатланиш оёқлар сал букилган ҳолатда бажарилади,тана бироз олдинга эгилган.Тўпни олиб борувчи қўл тирсакда букилган,кафт панжалари эркин ёйилган ҳолатда тўпни тепасидан босиб тушиб,ўзидан олдинга қараб итариб олиб юради.Тарбиячи болаларга тўпни ўзидан бироз ён тарафдан бир маромда,келишилган ҳолда,олдинга интилиб олиб юришни қандай бажаришни тушунтириб беради.Дастлаб тарбиячи болаларга тўпни турган жойда ҳаракатлантиришни таклиф этади,сўнгра бир-биридан 5-6м.узоқликда ҳаракатланиб,шеригига ҳалақит бермаслиги керак.Иккита подгруппага бўлиб бажариш мумкин:биттаси турган жойида бажаради,иккинчиси-олдинга ҳаракатланиб,сўнгра ўрин алмашинади.
“Тўпни бошловчига”ўйини.Ўйновчилар 2-3та командага бўлиниб,айлана ҳосил қилишади,ҳар бир айлананинг ичида ўртасида тўп билан бошловчи туради.Тарбиячининг сигнали бўйича бошловчи ўйинчиларга галма-гал тўпни кўкрагидан икки қўллаб ирғитади ва қайтиб олади.Тўп барча ўйинчиларни айланиб чиққанидан кейин бошловчи уни тепага кўтариб “Тайёр!”дейди.Келгуси машғулотларда командалар сонини кўпайтириш мумкин.(расм№5)
“Тутиб олиш”ҳаракатли ўйини.
3-қисм.Колоннада биттадан бўлиб юриш.
Дастур мазмуни.Тарбиячининг сигнали бўйича юриш кўникмасининг ҳаракат темпини ўзгартиришни такомиллаштириб бориш;сочилиб кетиб югуриш;харакатлар координациясини ривожлантириш ва тўпни нишонга отганда мужжални ривожлантириш;ёй остига эмаклаб киришда мувозанатни сақлашни машқлантириш.
Жиҳозлар.Болалар сонига тенг диаметри 6-8см.ли тўплар,ёйлар 4-6та,6-8та тўлдирилган тўплар.
1-қисм.Биттадан бўлиб колоннада юриш,тарбиячининг сигнали бўйича секин темпда ва тез темпда алмашиниб.Тарбиячининг сигнали бўйича тўхтаб сочилиб югуриш;”Лайлак!”сўзи айтилиши билан болалар бир оёқларида туриб,иккинчисини кўтарадилар,”Қуёнлар!”дейилиши билан кетма-кет уч марта сакралади.
2-қисм.Кичик тў плар билан умумий ривожлантирувчи машқлар.
1.Д.ҳ:асосий туриш,тўп ўнг қўлда.1-2-қўлларни ён тарафдан юқорига кўтариб,тўпни бош тепасида чап қўлга олинади;3-4-дастлабки ҳолатга қайтилади.Шуни ўзини чап қўл билан бажарилади(5-7марта).
2.Д.ҳ.оёқлар елка кенглигида,тўп ўнг қўлда.1-қўллар олдинга;2-гавдани ўнгга буриб,тўп ушлаган қўлни ўнгга бурилади;3-қўллар олдинда,тўп чап қўлга олинади;4-дастлабки ҳолатга қайтилади(6-8 марта).
3.Д.ҳ.оёқлар бир одим кенгликда,тўп ўнг қўлда.1-2-чўккалаб ўтириб,қўллар олдинга,тўпни бошқа қўлга олинади;3-4-дастлабки ҳолатга қайтилади(5-6марта).
4.Д.ҳ.тиззаларда турган ҳолда тўп ўнг қўлда.1-4-тўпни ўнг томонга ўз атрофида айлантириб думалатиш,туп ортидан айланиб уни кузатиш;5-8-ЎЎшуни чап томонга бажариш(6марта).
5.Д.ҳ.орқада ётган ҳолда,тўпни икки қўллаб бош ортида ушланади.1-2-ўнг оёқни тўғри қилиб кўтариб,ўнг оёқнинг учи билан тўпгп теккизилади;3-4-дастлабки ҳолатга қайтилади.Худди шу машқ чап оёққа бажарилади.
6.Д.ҳ.асосий туриш,тўп чап қўлда.Икки оёқда сакраш,чап ва ўнг оёқларда тарбиячининг ҳисоби билан галма-гал сакраш 1-12.2-3 марта такрорланади.
7.Д.ҳ.асосий туриш,тўп ўнг қўлда.1-қўлларни ёнга ёйиб,ўнг оёқни(чап оёқни) орқага учига қўйилади;2-дастлабки ҳолатга қайтилади(5-6марта).
Ҳаракатларнинг асосий турлари.
1.Ўнг ва чап қўл билан тўпни 2м.масофадан горизонтал нишонга отиш.(4-5марта).
2.Эмаклаш-ёй остидан тўғри ён томон билан(йиғилиб олиб-группировка)қўлларни полга теккизмай(3-4марта).
3. Тўлдирилган тўплар устидан ошиб юриш,қўллар белда,бош ва орқа тўғри тутилади,оёқ учлари чўзилади,буюмларга тегиб кетмаслик керак(3-4марта).
Тарбиячи 3 та сават ёки 3та қасқонни полга қўяди;болалар 3 та гуруҳга бўлиниб,нишондан 2м.узоқликда айлана ҳосил қилишади.Тарбиячи машқни бажаришни кўрсатади ва тушунтириб беради.Сигнал бўйича болалар тўпларни ёки ҳалтачаларни нишонга олдин ўнг қўл кейин чап қўл билан бир неча марта отишади.Машқлар ҳамма подгруппалар ёки галма гал бажарилади.
Бир бирига параллел 2та чизиққа тарбиячи 2тадан ёй қўйиб,уларнинг рўпарасига эса тўлдирилган тўпларни қўйиб чиқади,масофа 40см.Болалар 2та шеренга бўлиб сафланишади,тарбиячи кўрсатиб ва тушунтириб бергандан сўнг 2та колонна бўлиб қайта сафландилар ва эмаклаш ҳамда мувозанат сақлаш машқларини оқим усули билан бажаришга киришадилар.
Асосий эътиборни тарбиячи болалар эмаклаш машқини бажарганда яхши йиғилиб олишларига ва ёйнинг юқориги қисмига тегиб кетмасликларига,мувозанат машқларини бажарганда ўзгарувчан қадам билан яъни ўнг ва чап оёқда юриб,мувозанат ва қоматни тўғри тутишларига қаратиши керак.
“Қармоқча” ҳаракатли ўйини.
3-қисм.Колоннада биттадан бўлиб юриш.
Ҳаракатларнинг асосий турлари.
1.Ўнг ва чап қўл билан 3м.масофадан тўпни нишонга отиш(4-5марта).
2.Тўрт оёқлаб буюмлар орасидан(бир биридан 1,5м узоқликда қўйилган кегли,тўлдирилган тўплар,кубиклар)”илон”бўлиб ўрмалаш(2-3марта).
3.Гимнастик скамейка устида ён томон билан приставной қадам билан юриш.Ўртага борганда чўккалаб ўтириш,туриб яна юришни охиригача давом эттирилади(2-3марта).
Do'stlaringiz bilan baham: |