O `zbekiston Respublikasi Sog`liqni saqlash vazirligi Toshkent farmatsevtika instituti Farmatsevtik kimyo kafedrasi dori vositalarining instrumental tahlil usullari fanidan o`quv-uslubiy majmua

«Vertushka» treningi

Dori vositalarini fotoelektrokolorimetrik usuli bilan aniqlashda, rangli eritmalariga to‘g‘ri keladigansvetofiltrlarni ko‘rsating.

№	Dori vositalarining eritmalari	Svetofiltr rangi
		Binafsha	Ko‘k	YAshil	Sariq	Zarg‘aldoq	Qizil
1	Riboflavinning suvli eritmasi
2	KMnO4ning 1% eritmasi
3	SuSO4ning 10% eritmasi
4	Barbituratlarning rangli kompleksi

9- LABORATORIYA MASHG`ULOTI. FOTOELEKTROKOLORIMETRIK USULDA DORI VOSITASINI MIQDORIY TAHLIL QILISH
Laboratoriya mashg‘ulotni olib borish 4 soatga rejalashtirilgan.
Mashg‘ulotning maqsadi: – talabalarni dori vositalarining rangli eritmalarni fotokolorimetrik usulda miqdoriy tahlilda qo‘llaniladigan turli solishtirish, kalibrlangan chizmasidan foydalanib aniqlash, qo‘shib aniqlash, differensialash usullari bilan tanishtirish. Kalibrlash grafigini tuzish. Kalibrlash chizmasiga asosan aniqlanuvchi dori vositasi miqdorini aniqlash. Nur yutish asosiy qonunini qo‘llab moddalar nur yutish ko‘rsatkichi bo‘yicha miqdorini hisoblashni o‘rgatish.
Maqsadga yo‘naltiruvchi vazifalar:Talabalarni ayrim dori vositalariga fotokolorimetrik usulda miqdoriy tahlili quyidagi usullarda aniqlash:
A) Solishtirish usuli
B) Kalibrlash usuli
V) Qo‘shib aniqlash usuli.
Dars o‘tish vositalari va ulardan foydalanish usullari:Fanni o‘rganishda kompyuter vositalari, standart dasturlar, ko‘rgazmali qo‘llanmalar va internet materiallari hamda zamonaviy pedagogik texnologiyalar, ya’ni interaktiv usullari qo‘llaniladi.


Mashg‘ulotni qisqacha mazmuni
Fotometriyada qo‘llaniladigan moslamalarga,fotometriyaniolib borish sharoitlariga, moddalarni fizik-kimyoviy xususiyatlariga qarab moddalarni nur yutish spektriga asoslanib, ularni konsentratsiyalarini aniqlash turlicha usulda olib boriladi.
Standart va tekshiriluvchi eritmalarning optik ko‘rsatkichini bir xil sharoitda o‘lchab aniqlanadi.
Fotometriyadamoddalarni miqdori quyidagi usullarda amalga oshiriladi: