Насослар ва насос станциялари

Uskunalar va armaturaga xizmat ko‘rsatish joylarini tashkillashtirish

Nasos stansiyalarida xizmat ko‘rsatish joylari va montaj maydonchalari ko‘zda tutiladi.
Xizmat ko‘rsatish joylari — texnologik uskunalar, elektryuritmalar va to‘sqichlar (zatvorlar) maxoviklari joylashtirilgan hududda nasos stansiyasining ishchi-xizmatchilariga ana shu qurilmalarning ekspluatatsiyasi, ularga texnik xizmat ko‘rsatish, ko‘rikdan o‘tkazish, ularni montaj (demontaj qilish) bilan bog‘liq ishlarni amalga oshirish imkonini beradigan makondir.
Montaj maydonchasi — yuk avtotransporti xavfsiz kirib-chiqishi, unga ko‘tarish-transporti uskunalari va armatura yordamida yoki qo‘lda texnologik uskunalarni va armaturani ortish (undan tushirib olish), shuningdek unda texnologik uskunalar va armaturani yig‘ish (qismlarga ajratish) va ta’mirlash
uchun mo‘ljallangan maydoncha.
Poldan xizmat ko‘rsatish kerak bo‘lgan joygacha masofa (balandlik) 1,4 m dan katta bo‘lganida maydoncha yoki ko‘prikcha o‘rnatilib, uning xizmat ko‘rsatish joyiga qadar balandlik 1 m dan oshmasligi shart.
Maydonchalar va xizmat ko‘rsatish ko‘prikchalari — ularda asbob-jihozlar va ko‘makchi uskunalari bilan odam joylashishi mumkin bo‘lgan metall konstruksiyalardir.
Texnologik uskunalarni va armaturani montaj maydonchasi yoki xizmat ko‘rsatish maydonchasi ostida o‘rnatish zarurati yuzaga kelganida ular ostida balandligi 1,8 m dan kam bo‘lmagan bo‘sh oraliq mavjud bo‘lishi talab etiladi (balandlik xona yoki maydoncha polidan montaj maydonchasi yoki xizmat ko‘rsatish maydonchasining turtib chiqib turgan konstruksiyalariga qadar olinadi). Texnologik uskunalar va armaturani montaj (demontaj) qilish imkoniyatini ta’minlash uchun, montaj maydonchasida yoki xizmat ko‘rsatish maydonchasida zarur hollarda ustiga echiladigan qoplamalar to‘shaladigan oraliqlar qoldiriladi.

10.