Насослар ва насос станциялари

Suv ta’minoti tizimlari nasos stansiyalarida nasos agregatlari va yordamchi uskunalarni joylashtirish

Nasos agregatlarini nasos stansiyalariga o‘rnatish me’yoriy-huquqiy va me’yoriy-texnik hujjatlarning talablari hamda nasos uskunalarini ishlab chiqaruvchi zavodlar va etkazib beruvchi firmalarning tavsiyalari asosida amalga oshiriladi (3.10 va 3.11-rasmlar).

Bu kabi talablar va tavsiyalar mavjud bo‘lmagan holatda nasos stansiyalarining gabaritlari rejasida uskuna atrofidagi yo‘laklar kengligini aniqlash KMK 2.4.02-97 ga muvofiq bajariladi:

• 
  nasoslar yoki elektr dvigatellar o‘rtasida – 1 m dan kam bo‘lmagan kenglikda;
  
• 
  nasoslar yoki elektr dvigatellar va chuqur joylashtirilgan xonalarning devorlari o‘rtasida – 0,7 m dan kam bo‘lmagan kenglikda;
  
• 
  boshqa xonalarda – 1 m dan kam bo‘lmagan kenglikda, bunda elektr dvigaetl tomonidagi yo‘lak kengligi rotorni demontaj qilish uchun etarli bo‘lishi lozim;
  
• 
  uskunaning harakatlanmaydigan chiqib turuvchi (oldinga) qismlari o‘rtasida – 0,7 m dan kam bo‘lmagan kenglikda;
  
• 
  taqsimlovchi elektr shit oldida - 2 m dan kam bo‘lmagan kenglikda;
  
• 
  kran uskunasiga xizmat ko‘rsatish zonasining montaj maydonchasida o‘rnatiladigan uskuna yoki transport vositasi atrofida - 0,7 m dan kam bo‘lmagan kenglikda.
  

Haydash patrubkasining shartli o‘tish diametri 100 mm gacha bo‘lgan nasos
agregatlari uchun quyidagilarga ruxsat etiladi: agregatlarni devor oldida yoki kronshteynlarga o‘rnatish; ikkita agregatni bitta fundamentda o‘rnatish, bunda birlashtirilgan (ikkilangan) qurilma atrofida 0,7 m dan kam bo‘lmagan kenglikdagi o‘tish joylarini ta’minlagan holda agregatlarning chiqib turuvchi qismlari o‘rtasida 0,25 m dan kam bo‘lmagan oraliq qoldiriladi.
3.10-rasm. Nasos stantsiyalarini loyihalash uchun namuna:
CP, W, 0U, X, YY, HD, HS, HZ — nasos o’lchamlari; S, NM, 0MU —elektrodvigatelning o’lchami; NT — val va tros oralig’idagi masofa; NV, HP, HR, HF, NA, NE, HG, p x 0HH — asosdagi plitaga tegishli o’lchamlar.



3.11-rasm. Markazdan qochma gorizontal nasos qurilmasini o’rnatish bo’yicha tavsiyalar:
a — polda; b — betonli poydevorda; v — qo’zg’aluvchi betonli; g — tebranuvchi (silkinuvchi) tayanchda joylashgan betonli poydevorda.

3.