Namangan muhandislik-pedagogika instituti yer usti transport tizimlari kafedrasi kasb-hunar kollejlari uchun

Rejalash usullari va tartibi 

 

Rejalash oldidan zagotovka va detalning chizmasini  yaxshilab o’rgani, rejalash planini 

tuzish, ya’ni detal plitaga qanday vaziyatlarda qo’yilishini, rejalash qanday usulda bajarilishini 

hamda detalning har bir vaziyatida nimalarni chizish kerakligini aniqlab olish kerak. Rejalash 

planini to’g’ri belgilash uchun rejalovchi detalning vazifasi va ishini bilib olishi lozim. Buning 

uchun  u  yig’ish  chizmalarini  va  detalni  tayyorlash  texnologiyasini  o’rganib  chiqishi  kerak. 

Keyin  zagotovka  tekshiriladi.  Uni  ko’zdan  kechirib  va  bolg’a  bilan  urib  ko’rib,  nuqsonlar, 

darz,  chuqurchalar  bor-yo’qligi  aniqlanadi.  Korpus  detallar  gidravlik  sinovdan  o’tkaziladi. 

Ulardagi  hamma  teshiklar  berkitilib,  ochiq  qoldirilgan  bittasidan  ichiga  suv  haydaladi. 

Korpusdan  suv  sizib  chiqishi  va  xatto  detal  devorlarining  namlanishi  korpusning  darz 

ketganligidan  dalolat  beradi..  mayda  detallarni  suvga  tiqib,  chiga  havo  haydaladi.  Agar  havo 

pufakchalari paydo bo’lsa, demak, u germetik emas. 

 

So’ngra  zagotovka  o’lchamlari  yasaladigan  detal  o’lchamlariga  mosligi  aniqlanadi. 

Zagotovkaning gabarit o’lchamlari, qo’yilgan teshiklarning diametrlari, ular orasidagi  masofa 

tekshiriladi.  Quyma  zagotovkalar  bitta  emas,  balki  bir  partiya  bo’lsa,  ulardan  bittasini 

tekshirish  kifo.  CHunki  ularning  hammasi  bitta  model  bo’yicha  quyiladi  va  bir  xil  o’lchamli 

bo’ladi.  SHtamplab  tayyorlangan  detallarda  shtampning  ajralish  joylarida  pokovkalar 

qismlarining surilmaganligi tekshiriladi. 

 

Rejalanadigan  sirtlar  loydan,  qolip  tuprog’i  qoldiqlaridan  tozalanadi.  Reja  chiziqlari 

chiziladigan joylar bo’yaladi.