Mundarija kiri sh

Mavzu: «Ona tabiat – go‘zallik manbai, uni asrash bizning
burchimizdir».
Mashg‘ulotning maqsadi: Maktabgacha ta’lim yoshidagi bolalarni tabiatga muhabbat ruhida tarbiyalash. Ularni o‘simlik va hayvonot dunyosini muhofaza qilishga, yashil boyliklarimizni avaylab-asrashga, jonivorlarga g‘amxo‘r bo‘lishga o‘rgatish.
Mashg‘ulotning jihozi: turli rasmlar, xarita, test savollari yozilgan kartochkalar.
Mashg‘ulotning turi: Noan’anaviy mashg‘ulot.
Mashg‘ulotning borishi:
Tarbiyachi: - Aziz tarbiyalanuvchilar, ona tabiat bir mo‘jizadir. Uning beqiyos go‘zalliklarini – tog‘u-toshlar, qir-adirlar, dala-dashtlar, qushlar, hayvonlar, hashoratlar, moviy osmon, Quyosh, Oy, musaffo havo, umuman, butun borliq nafosatini his etish insonga zavq - shavq bag‘ishlaydi. Tevarak-atrofimizdagi tabiat Vatanimizning bir bo‘lagidir. Shu zamin, shu tuproq, shu borliqni e’zozlaymiz, unga mehr-muhabbat bilan munosabatda bo‘lishimiz kerak.
Biz chor-atrofni qancha ozoda saqlasak, hayotbaxsh ne’mat-suvni isrof qilmaslik, o‘simligu hayvonlarga g‘amxo‘r bo‘lib, ularni mehr bilan parvarish qilsak, ona tabiat ham bizdan o‘z muruvatini ayamaydi.
Endi esa bolajonlar, sizlar bilan tabait qo‘yniga sayohatga chiqamiz.
Birinchi tarbiyalanuvchi: Ikkinchi tarbiyalanuvchi:
Baland tog‘lar bizniki, Bog‘imizga bir qarang,
Tog‘larga yo‘l olaylik. Gul ochildi rang-barang.
Bog‘larga yo‘l olaylik. Tongda shudring tushibdi,
Gulga chiroy qo‘shibdi.
Uchinchi tarbiyalanuvchi:
Turnalar, hay turnalar,
Pastlab uchingiz.
Bizning tog‘ va daryolar
Bag‘rin quchingiz.
(Qushlar tilga kiradi.)
Topishmoq:
Ola-bula qanotim,
Yopinchig‘im, banotim.
Tojimni bo‘yang sozlab,
Patlarimni pardozlab.
Uzun tumshug‘im bilan,
Yo‘l chetlarin kavlayman,
Qurt - qumursqa ovlayman.
Uzun quyruq:
Ola-bula qanotim,
Tinim bilmay uchaman.
Boshimda ko‘kim qalpoq
Quyrug‘im-uzun taroq.
(Qushlarning yoqimli ovozi, gullarni ham suhbatga tartadi.)