Mdh tuproqlari. Tayga-o’rmon zonasi va o’rmon-dasht zonasining qora tuproqlari

Barcha qora tuproqlar qator belgilari asosida turlarga ajratiladi:
jumladan, gumusli gorizont (A+B) ning qalinligiga ko’ra: gumusli qatlami juda qalin (> 180 sm), qalin (120 -180 sm), o’rtacha qalinlikdagi (80-40 sm), kam qalinlikdagi (40-25) va juda kam qalinlikdagi (yupqa) (<25 cm),
gumus miqdoriga qarab: ko’p gumusli (>9); o’rtacha gumusli (9-6), oz gumusli (6-4) va juda oz gumusli (4 foizdan kam) qora tuproqlarga ajratiladi. Bundan tashqari qora tuproqlar qo’shimcha jarayonlarning ifodalanishi darajasiga ko’ra (kam, o’rtacha, kuchli ishqorsizlangan, kam, o’rtacha, kuchli sho’rtoblangan kabi) ham turlarga bo’linadi.
Podzollashgan qora tuproqlar. Bu tipchadagi qora tuproq profilining gumusli A gorizonti sur bo’zg’ish, kamdan - kam to’q tusli sur kulrang. B - gorizonti ancha och sur tusli bo’lishi bilan xarakterlanadi.
Tipik qora tuproqlar. Odatda chuqur gumusli (90-120sm va undan ortiq) profilga ega va gumusli gorizontida karbonatlar misellasi yoki ohak naychalari holidagi yangi yaralmalarning bo’lishi bilan xarakterlanadi. Karbonatlar ko’pincha 60-70sm chuqurlikda joylashadi.
Ishqorsizlangan va podzollashgan tipchalaridan boshqa barcha tipchalarida genetik gorizontlar bo’yicha SiO2, Fe2O3, Al2O3 lar tekis tarqalgan.