A qodiriy nomidagi jizzax davlat pedagogika instituti tarix fakulteti

SHarqona demokratiya-SHarq mamlakatlarida, ya’ni aholisining aksariyat qismi ko‘proq musulmon ma’naviyatidan bahra olgan hududlarga xos bo‘lgan demokratik qoidalar majmuining o‘ziga xos shakl va mazmunda namoyon bo‘lishi. SHarqona demokratiya milliy bosiqlik, andisha, yoshi ulug‘larga hurmat, o‘zaro maslahat, har qanday keskin masalada tomonlarning kelishuvlariga asoslangan faoliyatidir. SHarqona demokratiya siyosiy tartibsizliklar, bosh-boshdoqlik va mitingbozlikni milliy manfaatlarga zid deb qaraydi, har qanday fundamentalistik va qurolli kuchlarga asoslangan harakatlarni qoralaydi.
SHarqona demokratiya ham plyuralizm, alternativ jarayon, har bir shaxs yoki guruh manfaatlarini himoya etishni o‘z faoliyatining asosiy tamoyillaridan biri deb hisoblaydi.
Hokim-mustaqillik yillarida tashkil etilgan yangi lavozim. O‘zbekistondagi mahalliy ma’muriyat boshlig‘i. Viloyat hokimlari va Toshkent shahar hokimi Prezident tomonidan tayinlanadi va lavozimidan ozod qilinadi hamda tegishli xalq deputatlari Kengashlari tomonidan tasdiqlanadi. Tuman va shaharlarning hokimlari tegishli viloyat hokimi tomonidan tayinlanadi va lavozimidan ozod etiladi hamda tegishli xalq deputatlari Kengashi tomonidan tasdiqlanadi. SHaharlardagi tumanlarning hokimlari tegishli shahar hokimi tomonidan tayinlanadi va lavozimidan ozod etiladi hamda xalq deputatlari tuman Kengashi tomonidan tasdiqlanadi.
Hokimlar o‘ziga berilgan vakolatlar doirasida tegishli hududdagi barcha korxonalar, muassasalar, tashkilotlar, birlashmalar, shuningdek, mansabdor shaxslar va fuqarolar tomonidan bajarilishi majburiy bo‘lgan qarorlar chiqaradi.
Hokimlarning vakolat muddati besh yil.
Huquqiy demokratik davlat-jamiyat taraqqiyoti va davlat shakllarining rivojlanishi jarayonida yuzaga kelgan, davlatni tashkil qilishning eng muhim mukammal shakli va mazmuni.
Huquqiy davlatning belgilari quyidagilardir:
-hokimiyatning barcha organlari faqat xalq irodasini ifodalaydigan qonunga bo‘ysunadi;
-barcha fuqarolar qonun oldida teng bo‘ladilar;
-mamlakat qonunchiligida fuqarolarning huquq va erkinliklari kafolatlangan bo‘ladi;
-fuqarolar davlat oldida javobgar bo‘lganidek, davlatning ham fuqarolar oldida javobgar bo‘lishi ta’minlanadi;
-huquqiy madaniyat yuqori darajada bo‘ladi.