A qodiriy nomidagi jizzax davlat pedagogika instituti tarix fakulteti

Aksioner jamiyat-turli korxona, tashkilot, bank, kompaniya va ayrim shaxslar pul mablag‘larini sherikchilik asosida va sohibkorlik maqsadida birlashtiradigan jamiyat. Muomalaga nominal qiymati ko‘rsatilgan aksiyalar chiqarish va uni sotish bunday jamiyatning moliyaviy negizini tashkil etadi. Aksiya egalari-shirkatchilar divident shaklida daromad oladilar. Aksionerlik jamiyatining ochiq va yopiq ko‘rinishlari bor. YOpiq aksioner jamiyat-jamiyat aksiyalari faqat uning ta’sischilari o‘rtasida taqsimlanadi. Ochiq aksioner jamiyat-jamiyat aksiyalari erkin sotiladi va sotib olinadi.
Aksiya (nemischa aktie-qimmatli qog‘oz)-aksioner jamiyat chiqargan qimmatli qog‘oz. Aksiya egasining shu jamiyat mablag‘iga qo‘shgan hissasini va shunga muvofiq topilgan foydaning bir qismini divident (foyda, daromad) tariqasida olishini, uni boshqarib turishda qatnasha olishini tasdiqlaydi. Aksiya qimmatli qog‘ozlar bozorida oldi-sotdi qilinadi. Aksiya qiymati aksiyada qayd qilingan pul miqdoridir.
Antimonopol siyosat-iqtisodiyotni monopoliya (yakka hukmronlik)dan xalos etish va monopoliyalarni cheklab qo‘yishga yo‘naltirilgan davlat siyosati. Antimonopol siyosatdin ko‘zlangan asosiy maqsad tovar ishlab chiqaruvchilar o‘rtasida sog‘lom raqobatni vujudga keltirish va shu orqali tovarlar narxini tushirishdir.
Auksion-maxsus kimoshdi savdo bozori, tovarlarni talabgor xaridorlarga sotish usuli. Auksion savdo tovarlarining nisbatan cheklangan ro‘yxati bo‘yicha o‘tkaziladi. Xaridorlar savdo boshlanguniga qadar auksion omborlariga qo‘yilgan tovar va uning namunasi (lot) bilan tanishadilar. Xaridorlar orasida eng yuqori narxni taklif qilgani tovarni sotib oladi.
Har qanday auksionlarning umumiy sharti-sotuvchi namoyishga qo‘yilgan tovarlar sifatiga mas’ul hisoblanmaydi.
Bank-pul mablag‘larini o‘zida saqlovchi, kredit (qarz, ssuda) beruvchi, pul hisobotlarini, pul chiqarishni (emissiyani), qimmatli qog‘ozlar (banknotlar, cheklar, veksellar) chiqarishni amalga oshiruvchi va davlatlar, korxonalar, muassasalar va alohida shaxslar orasida o‘zaro to‘lovlarni va hisob-kitobni amalga oshirishda vositachi vazifasini bajaruvchi maxsus iqtisodiy institut.
Barrel (ing. Barrel-bochka)-sig‘im va hajm o‘lchov birligi. AQSHda bir quruq barrel 115,628 dm kubni, neft barreli 158,988 dm kubni tashkil etadi. Xalqaro neft savdosida 1 barrel neft 159 litrga teng.