A. N. Samadov, O. S. Jumanov

Kartoshka  kraxmali  kartoshkadan  olinadi.  Kartoshka  oldin 
yuviladi  va  qirg„ich  mashinalarda  qirib  undan  bo„tqa  tayyorlanadi. 
Ezilgan  bo„tqa  elakda  chayqaladi.  Kraxmalning  mayda  donachalari 
suv bilan elakdan o„tadi va idishning tagiga cho„kadi; keyin kraxmal 
suvdan  ajratib  olinadi,  tsentrifugalarda  qayta  ishlanadi  va  quritiladi. 
Sifatiga qarab, kartoshka kraxmali to„rt navga bo„linadi: ekstra, oliy, 
1  va  2-  navlar  (keyingisi  faqat  texnik  maqsadlar  uchun).  Kraxmalni 
navlarga  ajratishda  rangi,  yaltiroqligi,  sirtidagi  qora  nuqtalar  (1  sm
2
 
dagi) va tarkibidagi kul miqdori hamda nordonligi asos qilib olinadi.  
Kimyoviy usul yordami bilan oziq-ovqat mahsulotlari tarkibida 
uchraydigan  va  ularning  sifat  ko„rsatkichlarini  belgilaydigan 
moddalarning  miqdori  aniqlanadi.  Bu  ular  asosida  esa  oziq-ovqat 
mahsulotlarini  saqlaganda  va  tashiganda  bo„ladigan  o„zgarishlarni 
bilish  mumkin.  Mahsulotlarning  sifatini  belgilaydigan  kimyoviy 
ko„rsatkichlarni  aniqlash  usullari  maxsus  standartlarda  ko„rsatilgan 
bo„ladi.