A. B. Xayitov, A. M. Akbarov personalni

3. Boshqaruv  faoliyati  boshlanishi.  Mutaxassis  tegishli  tajribaga  ega 
bo’lganidan  so’ng  unga  amaliyotda  o’z  boshqaruvchanlik  salohiyatlarini  sinab 
ko’rish imkoniyati berilishi kerak. 
Mutaxassislar  ushbu  bosqichda  o’zlarining  bevosita  xizmat  vazifalarini 
bajarish  bilan  bir  qatorda,  birinchi  bosqichdagi,  tajribasi  kamroqhamkasblariga 
yordam  ko’rsatishlari  va  ular  mehnat  faoliyatiga  tezkor  rahbarlikni  amalga 
oshirishlari mumkin.  
4. Etakchilarni  aniqlash.  Ishga  qiziqtirish  (motivatsiya)ni  kuchaytirishda 
xodimlarni  yuqori  rahbarlik  lavozimlariga  ko’tarish  juda  katta  ahamiyatga  egadir. 
Personal tarkibidagi etakchilarni aniqlash bo’lajak menejerlarni rahbarlikning yuqori 
bosqichiga  tayinlash  davriga  kelib  ularni  har  taraflama  tayyorgarlikdan  o’tkazish 
imkonini  beradi.  Personalni  boshqarish  xizmati  xodimlari  aniqlangan  etakchilarni 
tayyorgarliqdan  o’tkazish  barcha  bosqichlarini  hamda  ularning  xizmat  vazifalarida 
siljishlarini diqqat bilan nazorat qilib borishlari kerak.