1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

15-МАВЗУ: ЮРИСТЛАР ЖАМОАСИ ҲАМДА ЖАМИЯТДА ИЖОБИЙ ШАХСИЙ ИМИЖНИ ШАКЛЛАНТИРИШ ЙЎЛ-ЙЎРИҚЛАРИ
Саволлар
1. Имиж тушунчаси нимани англатади ва у қандай моҳиятга эга?
2. Муайян имижни шакллантиришнинг асосий мақсади нима?
3. А.Маслоу назариясига биноан имижни шакллантириш сабабларини кўрсатинг.
4. Сизнингча, ҳуқуқшунос имижининг замонавийлиги нималарда намоён бўлади?
5. Ижобий имиж яратиш орқали қандай масалалар ҳал қилинади?
6. Сизнингча, корхона (идора, фирма, компания) имижини яратиш ва унинг жамоатчилик онгида илгари сурилиши масалалари қандай ҳал қилинади?
7. Имиж тузилишида самарадорликни оширишнинг асосий воситаларини айтинг.
8. Замонавий юрист имижини шакллантириш билан ўз-ўзини ривожлантириш ўртасида қандай алоқа мавжуд, деб ўйлайсиз?
9. Ҳуқуқий муносабатларда, ҳуқуқшуноснинг кундалик фаолиятида этикет қандай намоён бўлиши лозим?
10. Обрў ва эътибор (репутация) нима?
11. Ходимлар репутацияси корхона, ташкилот репутациясига қандай таъсир кўрсатишини ҳаётий мисоллар билан исботлаб бера оласизми?

15-МАВЗУ: ЮРИСТЛАР ЖАМОАСИ ҲАМДА ЖАМИЯТДА ИЖОБИЙ ШАХСИЙ ИМИЖНИ ШАКЛЛАНТИРИШ ЙЎЛ-ЙЎРИҚЛАРИ
Казуслар
1. Тасаввур қилинг. Сиз ўқишни тугаллаб, бир адвокатлик фирмасига ишга жойлашдингиз. Фирмада Сиздан ёши катта, тажрибаси кўпроқ, турли характердаги мутахассислар ишлашади. Раҳбар эса айнан сизга фирманинг корпоратив имижини юксалтиришга оид маъруза тайёрлаб, жамоа олдида 20 минутлик чиқиш қилишни ишониб топширди?
Вазифа: Мана шу шароитда ишни нимадан бошлаган, маъруза мазмунини нималар билан тўлдирган бўлар эдингиз. Ҳаракатларингизни асосланг ва изоҳланг.
2. Яқинда учратган кишингиз (масалан, адвокатлик фирмаси раҳбари, туман прокурори, савдо марказидаги иш юритувчи, сизга таълим бераётган ўқитувчи ёки ўзингиз билган бошқа бирор одамнинг) имижини батафсил тасвирлаб, ўша кишининг тавсифномасини тузинг.
3. Бугунги кунда сиз ўқиётган Тошкент давлат юридик университетининг миллий ва хорижий даражадаги имижини юксалтириш, бунинг ёрдамида унга нафақат ўзимиздан, балки чет эллардан ҳам абитуриентларни, магистрларни, профессор-ўқитувчиларни кўпроқ жалб этиш – ниҳоятда муҳим вазифалардан бири ҳисобланади.
Савол-топшириқ: Агар Сизга университетимизнинг имижини кенг ва ҳар томонлама тарғиб қилиш вазифаси топширилса, бу ишни сиз қандай усуллар ва воситалар ёрдамида амалга оширган бўлар эдингиз? Ҳаракатларингизни асослаб беринг.
4. Тасаввурингиздаги замонавий ишбилармон киши (ҳуқуқшунос олим, ўқитувчи, тадбиркор, адвокат, ошпаз, дизайнер) имижини яратишга ҳаракат қилинг. Бунда Сиз унинг қайси жиҳатларини, айниқса, бўрттириб кўрсатган бўлар эдингиз?