1. Ijtimoiy pedagogika, uning predmeti va vazifalari. Ijtimoiy pedagogikaning fan sifatida rivojlanishi

3.Ijtimoiy pedagogika faniga zamonaviy yondoshuvlar.
Respublikamizda ijtimoiy pedagogikaning ilmiy va amaliy sohasi ham «Ijtimoiy pedagogika» predmeti ham endigina shakllanmoqda. Mazkur sohada ilmiy-tadqiqot ishini yuritish shunchalik dolzarbki, bu fan bo‘yicha mamlakatimizda quyidagilar shug‘ullanmoqda: Ma’naviyat va ma’rifat markazi, «Oila» markazi, nodavlat, hukumatga qarashli bo‘lmagan «Sog‘lom avlod uchun» hayriya jamg‘armasi, O‘zbekiston Respublikasi Xalq ta’limi vazirligi qoshidagi respublika o‘quv-metodik ta’lim markazi, Nizomiy nomidagi TDPU pedagogika kafedrasi va boshqalar. Respublikamizda har bir navbatdagi yilni ijtimoiy muammolardan biriga bag‘ishlash an’ana tusiga kirgan. Masalan, 2001 yil «Onalar va bolalar yili» deb e’lon qilingandi. Shu munosabat bilan «O‘smir va sog‘lom turmush tarzi» deb nomlangan respublika metodik seminari o‘tkazilib, maktablarda «Sog‘lom turmush tarzi» predmeti kiritilib, mashg‘ulot davomida sog‘lom turmush tarzini shakllantiruvchi ijtimoiy muammolar ko‘rib chiqildi.
1998 yil «Oila yili», 1999 - «Ayollar yili», 2000 - «Sog‘lom avlod yili», 2001 - «Onalar va bolalar yili», 2002 - «Qariyalar yili», 2003 - «Obod va sog‘lom mahalla yili», 2004 - «Mehr va muruvvat yili», 2005 yilni “Sihat-salomatlik yili” … deb belgilab, ijtimoiy pedagogik muammoni amaliyotda hal etish yo‘llari izlanmoqda. Bugungi kunda ko‘plab empirik va nazariy bilimlar to‘plangan. Ularni to‘la anglamoq va tizimlashtirish davr talabidir. O’tmish allomalarimiz, olim-pedagoglarimiz asarlarini yangi nuqtai nazardan o‘rganish, chet el tajribalarini o‘zlashtirib, Respublikamizga moslashtirilgan holda maqsadga muvofiq qo‘llash lozim. 2003 yilda M.Quronovning «Ijtimoiy pedagogika” nomli ma’ruza matnlari chiqdi. Uni ijtimoiy pedagogikaga kirish deb atash mumkin.
Chet el ijtimoiy pedagogikasi esa ko‘p yillardan buyon rivojlanib kelmoqda, hozirgi vaqtda bu sohada juda ko‘p muhim ilmiy salohiyatli bilimlar jamlangan. Shu sababli ham O‘zbekistonda ijtimoiy pedagogikaning vujudga kelishi va rivojlanishida boshqa mamlakatlarning tajribalari muhim ahamiyat kasb etadi. Bu sohadagi rivojlanish jarayonida vujudga kelgan muammolarning tahlili, ilmiy bilimlar va chet eldagi amaliy faoliyatni o‘rganishning o‘rni beqiyos.