Windows xp, Vista, , Operatsion tizimi va uning imkoniyatlari

«Входящие» (Kiruvchilar). Bu WINDOWS ning xabarlar sistemasidir. O’rnatilgan (belgilangan) dasturlarga qarab elektron pochtaning u yoki bu turiga ulanishini ta’minlashi mumkin.
Ish stolida «Мой компьютер» va «Корзина» tizim papkalarining bo’lishi shart.
WINDOWS ning tizim papkalari oddiy papkalardan quyidagi xususiyatlari bilan farq qiladi:

• 
  barcha tizim papkalarini yo’qotish mumkin emas.
  
• 
  «Корзина» papkasining nomini o’zgartirib bo’lmaydi
  
• 
  ba’zi tizim papkalarining kontekst menyusida o’ziga xos buyruqlar mavjud
  

Masalalar paneli(Taskbar).
Masalalar paneli - ish stolining oxirgi satrida joylashgan bo’lib, unda ishlayotgan masalalar aks ettiriladi. Birorta programma ishga tushirilishi bilan masalalar panelida uning nomi yozilgan kvadrat (klavish) hosil bo’ladi. Kvadratning nomi ikki qismdan iborat bo’ladi: programma nomi va shu programma yordamida tahrirlanayotgan hujjat nomi. Nom oldida programmaning piktogrammasi aks ettiriladi. Masalalar panelining chap burchagida Pusk klavishasi joylashgan. Bu klavish WINDOWS operasion tizimining bosh menyusiga kirishini ta’minlaydi. Agar sichqoncha ko’rsatkichini shu klavish ustiga joylashtirsak, «Начните работу с нажатия этой кнопки» (Ishni shu tugmani bosishdan boshlang) degan yozuv chiqib turadi. Bundan tashqari, masalalar panelida rus, ingliz yoki boshqa til alifbosi, hamda vaqtni ko’rsatuvchi knopkalar mavjud.
Masalalar panelini qo’yidagi usullar bilan faollashtirish mumkin:

1. 
   masalalar panelining ixtiyoriy bo’sh joyida sichqoncha klavishasini bitta bosish;
   
2. 
   Ctrl+Ecs klavishalar kombinasiyasini, ya’ni avval Ctrl va undan so’ng Ecs klavishasini bosish;
   
3. 
   Ish stoli faol bo’lgan holda Tab klavishasini bosish.
   

Umuman bu uchta usul bir-biriga ekvivalent emas. Birinchi usul faqat masalalar panelining fonini faollashtiradi. Oxirgi ikkita usul esa Pusk(Start) klavishini faollashtiradi.



3-rasm Masalalar (Taskbar) panelini ko’rininshi


Tayanch tushunchalar: ish stoli, piktogramma, ikona, tizim papkalari, Мой компьютер, «Сетевое окружение», Internet Explorer, «Корзина», Портфель, Входящие, masalalar paneli.