Windows xp, Vista, , Operatsion tizimi va uning imkoniyatlari

Yorliqlar (Shortcuts).
WINDOWS da ko’plab elementlarni yodda saqlash, ajratib olish va ular bilan ishlash oson bo’lishi uchun piktogramalar (yorliqlar) deb ataluvchi mos rasmchalardan foydalaniladi. Ularni ko’pchilik hollarda ikonalar (timsollar) deb ham atashadi. Ular programmani xotiraga tez chaqirish imkoniyatini beradi.
Ish stolida quyidagi elementlar joylashgan bo’lishi mumkin:

• 
  papkalar (sistemaning va foydalanuvchining papkalari);
  
• 
  hujjat va programma fayllari;
  
• 
  qurilmalar, papkalar va fayllar uchun yorliqlar.
  

Odatda, ekranda ko’proq hollarda tizim papkalari va ko’p murojaat qilinadigan ob’ektlarning yorliqlari joylashgan bo’ladi.

2-rasm Windows operasion tizimining ishchi stolida yorliqlar bilan ishlash.


Tizim papkalari (System Folder).
Tizim papkalari (System Folder) - WINDOWS XP operasion tizimi tomonidan tashkil etilgan papkalardir. Tizim papkalariga qo’yidagilar kiradi:
«Мой компьютер» (Mening kompyuterim). Bu papka siz ishlayotgan kompyuterning obrazi bo’lib, uning yordamida kompyuter resurslariga (ya’ni, qattiq hamda egiluvchan disklar, CD-ROM va hokazolarga) ulanish va kirishingiz mumkin.

3-rasm Windows operasion tizimining «Мой компьютер» buyrug’ini ishga tushirilishi.
Yuqoridagi 3-rasmda «Мой компьютер»da mavjud bo’lgan programmalar keltirilgan.
«Сетевое окружение» (Tarmoq doirasi). Bu dastur mahalliy tarmoq kompyuterlari ro’yxatini ko’rib chiqish va ularning resurslariga kirish uchun ishlatiladi.
Internet Exrlorer. Internetdagi WEB sahifalarni ko’rib chiqish programmasi.
«Корзина» ( Savat ). O’chirilgan fayllarni vaqtinchalik saqlab tura-digan joy bo’lib, ularni kerak bo’lganda tiklash mumkin. Bundan tashqari, faylni o’chirish uchun, sichqoncha yordamida uni savat belgisiga ko’chirib qo’yish mumkin. Savatni doimiy ravishda tozalab turish, ya’ni kerakli fayllarnigina saqlash tavsiya etiladi, chunki bu yerga joylashtirilgan fayllar ham xotirada joy egallaydi.
«Портфель». Bu dastur ikki kompyuter bilan ish olib borilayotganda fayllarni sinxronlashtirishni (so’nggi namunalarga almashtirishni) ta’minlaydi. Masalan, siz biror ishni uyga olmoqchi bo’lsangiz portfeldan foydalanishingiz mumkin.