Windows operaciyalıq sisteması

Fayl hám papkalardı jasırıw

Jasırıw kerek bolģan fayl yamasa papka ústinde tıshqanshanıń oń túymesin basıń «Свойства» punktin tańlań. Ashılģan aynada «Скрытый» punktine belgi qoyıń hám «OK» túymesin basıń.

2.33-súwret. Fayl yamasa papka atributların ózgertiw aynası.

Nátiyjede Fayl yamasa papka ekrannan joģaladı.

4. Utilita hám drayverler

Kompyuter islewin tezlestiriw, disklerdi defragmentaciyalaw, yad hám vinchesterlerdi tekseriw, qısqa qılıp aytqanda kompyuterdi optimizaciyalaw ushın kóp paydalanıwshılar bir neshe dástúrlerden paydalanadı. Bul óz náwbetinde, kompyuterge ornatılģan dástúrlerdiń kóbeyiwine sebep boladı.

Windows sistemasın sazlaw hám optimizaciyalaw ushın arnalģan, bir neshe utilitlardı ózinde jámlegen, kóp tilli, «Delphi (Object pascal) dástúrlew tilinde jazılģan utilita esaplanadı. Bul utilita tómendegi tiykarģı wazıypalardı orınlawı múmkin:

— diskler menen islew;

— avtozagruzkalardı basqarıw;

— kereksiz fayllardı óshiriw;

— dástúrlerdi óshiriw;

— reestrlar menen islew.

Utilita Windows 95 (dáslepki qayta versiyası) operaciyalıq sisteması dáwirinen beri isletilip kelinbekte, bunnan kórinip tur, utilita isenimli hám paydalı. Rus tilindegi versiyası ornatıp, qıyınshılıqsız óz sistemańızdı sazlawıńız múmkin boladı. Eń tiykarģısı, optimizaciya ushın kerekli kóp funkciyalar stabil islewinde. Tune Up utilitanı ornatsańız, tómendegi Tune Up utilitalar avtomat ornatıladı hám hár birin bólek isletiwińiz múmkin boladı.