Wimax texnologiyasi haqida umumiy tushunchalar. Wimax tizimlarining tarqalishi va qo‘llanish sohalari. Arxitekturasi va asosiy xarakteristiklari. Reja

Guruhli va keng-qamrovli uzatish

IEEE 802.16e standartida guruhli uzatish (kam hollarda, ko‘p nuqtali yoki ko‘p uzatishli) tushunchasi (ingl. Multicast) va keng-qamrovli uzatish tushunchasi (ingl. Broadcast) kiritilgan. Standartda bu tushunchalar birlashtirilgan va yagona Multicast and Broadcast Service (MBS) atamasi ishlatiladi. U guruhli va keng-qamrovli uzatish xizmatlarini aniqlaydi. MBS xizmatlari ikkita bir saytli MBS (bir BS dan uzatish) yoki guruhli MBS (bir necha BS lardan uzatish) rejimlarida SFID taqdim etilishi mumkin va AQ har ikkala rejimlarni qo‘llab-quvvatlashi kerak. MBS uzatishlar uchun ARQ teskari aloqa mexanizmi ko‘zda tutilmagan. Oldindan berilgan trafik xossalari va QoSli MBS transport oqimlariga servis oqimlari SFID va mos ravishda bog‘lanishlar CID identifikatorlari beriladi. Bu identifikatorlar bo‘yicha AQ MBS xizmatlarni taniydi. Bunda agar guruhli uzatish xabarlarini bir necha AQlar inkor qila olsa, u holda keng uzatishli uzatish xabarlarini barcha AQlar qo‘llab-quvvatlashi kerak. Muhimki, MBS xabalarni AQ “uyqu” va “kutish” rejimlarida ham qabul qila oladi.

Guruhli MBS rejimida bir necha BSlar maxsus guruhni zonani (hududni) tashkil qiladi, uning barcha BSlariga MBS zonasining identifikatori beriladi. MBS zonasidagi barcha BS va AQlar yagona CID dan foydalanadi va barcha BSlar bir chastota kanalida MBS xabarlarni sinxron translyatsiya qiladi (LTEdagi SFN bir chastotali tarmoqlarga o‘xshash). Bir saytli MBS rejimida MBS servisni olish uchun AQ BSda ro‘yxatdan o‘tkazilishi kerak. Guruhli MBS rejimida esa bunday ro‘yxatdan o‘tkazish talab qilinmaydi. Bundan tashqari AQ MBS zonasidagi hech bir BSda ro‘yxatdan o‘tkazilmasligi mumkin va bunda bu servisni olishi mumkin. Bunda AQ tarmoqda bu servisni oluvchi sifatida ro‘yxatdan o‘tkazilishi etarli bo‘ladi. AQ haqidagi axborot tarmoq infratuzilmasi orqali bazaviy stansiyalarga uzatiladi. Bunda MBS xizmatlarni oluvchini ro‘yxatdan o‘tkazish tarmoq darajasida amalga oshiriladi.