Web of conferences konferensi internasional penelitian inovatif ilmu pengetahuan dan pendidikan

Kriptografik tizimlarning bardoshliligi haqida tushunchalarni tahlil qilish quydagi tizmlar 
orqali tahlil qilish o‘rinlidir. 
Shennon kriptografik tizimlari. 
 
Shennon kriptografik tizimlarning bardoshliligi masalasiga ikki xil nuqtai nazar bilan qaradi. 
Birinchidan, nazariy bardoshlilik masalasini ko‘rdi: “Raqib kriptotahlilchisi kriptografik tizimning 
kriptotahlili uchun yetarli darajadagi texnik va boshqa kerakli vositalarga ega bo‘lsa hamda kriptotahlil 
muddati chegaralanmagan bo‘lsa, ushbu kriptografik tizimning bardoshliligi qanday?”. Kriptografik 
tizimning nazariy bardoshliligi tushunchasi kriptografik tizimlarni baholashga aniqlik kiritadi, lekin 
bardoshliligi yuqori bo‘lgan kriptotizimlarning yaratilishi nuqtai nazardan tushkunlikka olib keladi. 
Amalda ko‘plab hollarda nazariy bardoshli kriptotizimlarning yaratilishi maxfiy kalit hajmining cheksiz 
katta bo‘lib ketishi masalasi bilan bog‘liq. Shuning uchun Shennon kriptotizimlarning amaliy 
bardoshliligi masalasini ham ko‘rdi, agar raqib kriptotahlilchisi kriptotahlil uchun yetarli darajadagi 
vositalar bilan ta’minlanmagan bo‘lsa va tahlil muddati cheklangan bo‘lsa, kriptotizimning 
bordoshliligi qanday? Shu yerda alohida ta’kidlab o‘tamizki, ochiq kalitli kriptotizimlar amaliy 
bardoshli bo‘lib, nazariy bardoshli bo‘lishlari shart emas. 
Faystel tarmog‘i xossalari va turlari. 
1970 yillarning boshlariga kelib elektron axborot almashinuvida ma’lumotlarni himoyalash 
maqsadida IBM kompaniyasi o‘zining dasturlarini ishlab chiqishga kirishdi, jumladan kriptografiya 
sohasida ham. O‘sha davrlarda kriptografiya bilan Amerika Qo‘shma Shtatlaridagi bir qator 
universitetlar (Stanford, Massachusets) shug‘ullanishardi. IBM kompaniyasi mutaxassislari universitet 
mutaxassislarini elektron axborotni himoya qilish uchun usullar yartishga qiziqtirishga harakat qildi. 

---