Web-Freelance saytlari bilan tanishish

4. Xizmat narxini belgilash.

Xizmat narxi buyurtmani olish yoki bajarishdan oldin belgilanadi. Odatda, yangi ish boshlaganlar uchun kam haq to‘lanadi. Buning uchun faoliyat yuritayotgan freelancerlar takliflari, narxlarini o‘rganish, ular bilan o‘z mahorat darajasini taqqoslash va shular asosida o‘z xizmatlari narxini belgilash kerak bo‘ladi. Shuningdek, ishning murakkabligi va qancha vaqt ketishi hisobga olinadi. O‘zining kuchli jihatlarini aniqlab, buyurtmachilar bilan muloqotda shularga urg‘u berish lozim.

5. Portfolioni yaratish.

Buyurtmachi bilan hamkorlik qilish uchun bajara olishi mumkin bo‘lgan ishlar ro‘yxati tayyorlanadi, shuningdek, ba’zi buyurtmalar bepul, ba’zilari esa arzon narxda ko‘rsatiladi. Odatda, kam haq talab etilsa, mijoz topish muammo bo‘lmaydi. Bajarilgan ish soniga qarab xizmat narxini oshirish mumkin.

6. Buyurtmalarni qidirish.

Freelancer bo‘lib ishlashga qaror qilgan shaxs birinchi buyurtmani tanishlari yoki maxsus birjalardan olgani ma’qul. Buning uchun o‘zi haqidagi zarur ma’lumotlar internetga joylanadi va xizmatlar taklif etiladi. Ish jarayonida foydali aloqalar ro‘yxati ortib boradi va freelancerni endi buyurtmachilarning o‘zlari yoki tanishlari tavsiyalari asosida topadilar. Shuningdek, ba’zi buyurtmachilar takroran murojaat etishlari ham mumkin. Masofaviy ishlarni maxsus saytlardan ham topsa bo‘ladi. Doimiy buyurtmachilarni topish uchun freelancerlar birjasida ro‘yxatdan o‘tish zarur. Ro‘yxatdan o‘tish jarayonida ko‘proq ma’lumot ko‘rsatish va xatosiz yozish lozim, chunki buyurtmachi buyurtma berishdan avval shaxsiy anketa va portfolioni ko‘rib chiqadi.

7. Soliqlarni o‘z vaqtida to‘lash.

Ma’lumki, har qanday daromad soliqqa tortiladi. Shuning uchun agar freelance usuli asosiy daromad topish manbai hisoblansa, soliq organlarida ro‘yxatdan o‘tib, soliqlarni o‘z vaqtida to‘lab borish zarur. Shu bilan birga, potensial buyurtmachilarni kengaytirish uchun to‘lovlarni bank o‘tkazmasi orqali ham olish mumkin. Freelancerlik bu — shaxs ko‘proq bo‘sh vaqtga ega ekanligini anglatmaydi. Odatda, freelancerlar doimiy buyurtmalarda ko‘proq vaqt ishlashi ham mumkin. Shu sababli tartibli va mas’uliyatli bo‘lish lozim.