Ввbоcпаление

ЭКССУДАТИВ ЯЛЛИҒЛАНИШ

• Экссудатив яллиғланиш яллиғланишнинг экссудатив, иккинчи фазаси устунлиги билан таърифланади. Маълумки, бу фаза ҳужайра ва тўқималар шикастланиши орқасидан турли муддатларда юзага келади ва яллиғланиш медиаторлари ажралиб чиқиши билан боғлиқ. Капиллярлар ва венулалар деворининг шикастланиш даражасига ва медиаторлар таъсир интенсивлигига кўра ҳосил бўладиган экссудатнинг хусусияти турлича бўлиши мумкин.

ЭКССУДАТИВ ЯЛЛИҒЛАНИШ

• Томирлар енгил шикастланишида яллиғланиш ўчоғига фақат пастмолекуляр альбуминлар сизиб киради, оғирроқ шикастланишда экссудатда йирикмолекуляр глобулинлар ва ниҳоят тўқимада фибринга айланадиган фибриногеннинг янаям йирик молекулалари пайдо бўлади. Экссудат таркибига томир девори орқали эмиграцияланувчи қон ҳужайралари, ҳамда шикастланган тўқиманинг ҳужайравий элементлари киради. Шундай қилиб, экссудат таркиби ҳар хил бўлиши мумкин.

Ўткир яллиғланишнинг асосий маҳаллий кўринишлари:

• 1. Томирлар кенгайиши (қизаришга ва ҳарорат кўтарилишига олиб келади);
• 2. Плазма суюқлиги ва оқсилнинг томирдан чиқиши (шишлар);
• 3. Лейкоцитлар эмиграцияси ва уларнинг шикастланиш жойида тўпланиши.

Меъёрда ва яллиғланишда микроциркулятор ўзандаги қон босими ва плазманинг коллоидли осмотик босими.

• Меъёрий гидростатик босим (қизил кўрсаткич) – артериал капилляр ўзаннинг охирида тахминан 32 мм.с.у. ва веноз охирида 12 мм.с.у.; тўқиманинг ўртача коллоидли-осмотик босими - тахминан 25 мм.с.у. (яшил кўрсаткич), ўртача капилляр босимига тенг. Суюқлик прекапилляр артериоладан чиқиш тенденциясига эга бўлса ҳам, оқим харакати нолга тенг бўлиши учун (қора кўрсаткич) у ўша миқдорда посткапилляр венула орқали қайтиб келади.
• Ўткир яллиғланиш. Артериола кенгайиши ҳисобига ўртача капилляр босими ошгани сабабли, артериоладаги босим 50 мм.с.у.га ошган, веноз босим тахминан 30 мм.с.у.га ошган. Шу вақтнинг ўзида венуладан протеинлар чиқиши ҳисобига осмотик босим пасайган (ўртача 20 мм.с.у.га яқин). Натижада – томирдан ташқари суюқлик ортиқча.