Все права принадлежат "Bogdan" и "Rayfer"

Birinchi bob bo’yicha xulosalar

Mazkur bobda asosan o’zbek xalq pedagogikasi va islom ta’limoti ijtimoiy- pedagogik g’oyalar tarixining nazariy manbalari, ilmiy asoslari, xalq pedagogikasida ilmning o’rni tahlil etilib, quyidagi xulosalar chiqarildi :

1. 
   O’zbek xalq pedagogikasi xalqning tarixida mavjud bo’lib, ilm hamda donishmandlikning bir ko’rinishi sifatida namoyon bo’ladi.
   
2. 
   Islom ta’limoti, ahkomlari, ba’zi hadislarda inson ilmi, aqli-zakovatining tahliliga oid bo’lgan fikrlar mavjud. Ushbu fikrlar ko’p olimlarning bahs munozaralariga sabab bo’lgan.
   
3. 
   Ba’zi hadislarda ulamolar, so’fiy olimlar inson aqlinining o’lchamini, xususiyatlarini va darajalarini aniqlashtirishga harakat qilganliklari haqida fikrlari mavjud.
   
4. 
   Islom ta’limotida hadislar yordamida inson tarbiyasiga ta’sir ko’rsatish masalalari rivoj topgan.
   
5. 
   Islom dini ta’limotida tarbiyaviy vositalarning rolini aniqlash orqali insonning ma’naviy salohiyatini ro’yobga chiqarish ishlarini ko’pchilik allomalar muhim deb bilganlar.
   
6. 
   O’zbek xalq pedagogikasi manbalarida inson tarbiyasining turli yo’nalishlariga e’tibor qaratilar ekan, jamiyatning ijtimoiy, iqtisodiy, siyosiy, ma’naviy asoslariga ham e’tibor qaratiladi.
   
7. 
   Islom dini bilan bog’liq mashhur maktablar paydo bo’lishi bilan turli diniy oqimlar, so’fiylik nazariyalari, tariqat va tasavvuf yo’nalishlariga asos solindi. Bu yangiliklar o’z navbatida ustoz-shogird, xususan tarbiyaviy qarashlarning paydo bo’lishiga turtki bo’ldi.
   
8. 
   Xalq tarbiyaviy an’analari xalq ta’limi ta’sirida shakllangan dunyoqarashlarni, e’tiqodni o’zida aks ettirishi tabiiy pedagogik jarayondir.
   
9. 
   Movarounnahrda VII-IX asrlarda islom dini o’z rivojlanish bosqichlarini shakllantira boshlaydi. Masalan, mazhablar vujudga kelish davri o’z taraqqiyotini boshidan kechirdi.
   
10. 
    Asrlar o’tishiga qaramay hadislardan, ularning mazmunidan foydalanish ishlari hozir ham davom ettirilmoqda, rivojlantirilmoqda, shuning uchun ham muhaddis ulamolarning hayoti va faoliyati o’rganish davr taqozasidir.