Ворислик ҳУҚУҚи амалий қўлланма Baktria press

СУД АМАЛИЁТИ
Васиятнома 
тузишда 
гувоҳларнинг 
иштирок қилганлиги васиятномани ҳақиқий 
эмас деб топиш учун асос бўлолмайди
Гавҳар Хусанова судга Ўруновга нисбатан даъво билан мурожаат 
қилиб, холаси Гулюз Хусанова томонидан жавобгар фойдасига 
тузилган васиятномани ҳақиқий эмас деб топишни сўраган.
Суд 2001 йил 19 июлда даъвони рад қилиш ҳақида ҳал қилув 
қарори чиқарган.
Вилоят суди апелляция инстанцияси ҳал қилув қарорини бекор 
қилиб, даъвони қаноатлантириш ҳақида янги ҳал қилув қарори 
чиқарган.
Олий суд фуқаролик ишлари бўйича судлов ҳайъати қуйидагиларга 
кўра апелляция инстанцияси ажримини бекор қилиб, биринчи 
инстанция суди ҳал қилув қарорини кучда қолдирди.
Фуқаролик иши ҳужжатларига қараганда Г.Хусаинова Н. шаҳар, 
Тошкент кўчаси, 3-уйда яшаб келган ва ушбу уйни 2000 йил 12 
декабрда нотариал тартибда тасдиқланган васиятнома орқали 
қўшниси Ўруновга васият қилган. 
2000 йил 18 декабрда Г.Хусаинова вафот этган.
Ўзбекистон Республикаси ФК 1128-моддасига мувофиқ, нотариус, 
васиятномани тасдиқловчи бошқа мансабдор шахс, шунингдек васият 
қилувчининг ўрнига васиятномани имзолаган фуқаро мерос очилгунга 
қадар васиятноманинг мазмуни, унинг тузилиши, бекор қилиниши ёки 
ўзгартирилишига дахлдор маълумотларни ошкор қилишга ҳақли эмас.
Судда аниқланишича, васият қилувчи Г.Хусаинова васиятнома 
тузишда гувоҳларни иштирок қилдирган.
Апелляция инстанцияси ФКнинг 1128-моддасида назарда тутилган 
моддий ҳуқуқ нормаларини нотўғри талқин қилиб, васиятнома тузишда 
гувоҳларнинг иштирок қилганини васиятномани ҳақиқий эмас деб 
топиш учун асос қилиб кўрсатган.
Қайд қилинган қонун нормасида васиятномани сир сақлаши шарт 
бўлган шахслар доираси, яъни нотариус, васиятномани тасдиқловчи 
бошқа мансабдор шахс, шунингдек васият қилувчининг ўрнига 
васиятномани имзолаган фуқаро кўрсатилган.

---

ВОРИСЛИК ҲУҚУҚИ
164
Ваҳоланки, васиятнома тузишда гувоҳларнинг иштирок қилганлиги 
ёки васиятноманинг мавжудлигини ошкор қилиниши васиятномани 
ҳақиқий эмас деб топиш учун асос бўлиши амалдаги Фуқаролик 
кодексида назарда тутилмаган. 
Фсҳ-72-03-сонли ажрим