Ворислик ҳУҚУҚи амалий қўлланма Baktria press

“Фуқаролик, 
оилавий ва жиноий ишлар бўйича ҳуқуқий ёрдам ҳамда ҳуқуқий 
муносабатлар тўғрисида”
ги Шартномани келтириш мумкин. Мазкур 
Шартнома Ўзбекистон Республикаси Олий Мажлисининг 1997 йил 
30 августдаги 487-I-сонли “Ўзбекистон Республикаси ва Қозоғистон 
ўртасида фуқаролик, оилавий ва жиноий ишлар бўйича ҳуқуқий ёрдам 
ҳамда ҳуқуқий муносабатлар тўғрисидаги Шартномани ратификация 
қилиш ҳақида”ги Қарори билан тасдиқланган ва 1998 йил 29 ноябрдан 
кучга кирган.
Ушбу Шартномада ҳам меросни қабул қилиб олиш ҳуқуқи, меросни 
давлатга ўтиш, васиятнома, мерос қилиб олиш ишлари ваколати, 
мерос қилиб олиш ишлари бўйича дипломатик ваколатхона ёки 
консуллик муассасасининг ваколати ва меросни муҳофаза қилиш 
чораларига бағишланган нормалар назарда тутилган. 
Айрим халқаро шартномаларда Минск Конвенциясида кўрсатилган 
ҳуқуқий нормалардан ташқари ушбу Конвенцияда белгиланмаган 
бошқа ҳуқуқуқий нормалар хам акс эттирилган.
Масалан, 
Ўзбекистон Республикаси ва Грузия ўртасида
1996 йил 28 май куни Тбилиси шаҳрида тузилган 
“Фуқаролик, 
оилавий ва жиноий ишлар бўйича ҳуқуқий ёрдам ҳамда ҳуқуқий 
муносабатлар тўғрисида”
ги Шартномани келтириш мумкин. Мазкур 
Шартнома Ўзбекистон Республикаси Олий Мажлисининг 1996 йил 30 
августдаги 289-I-сонли қарори билан ратификация қилинган.
Ушбу шартномада Минск Конвенциясида белгиланган меросни 
олиш ҳуқуқи, мерос қилиб олиш ишлари ваколати, мерос қилиб 
олиш ишлари бўйича дипломатик ваколатхона ёки консуллик 
муассасасининг ваколати ҳамда меросни муҳофаза қилиш чоралари 
каби нормалар билан бир қаторда эгасиз қолган мулк, васият қилиш 
шакли, вафот этган фуқаронинг буюмларини бериш тўғрисидаги 
нормалар ҳам кўрсатилган.
Юқорида қайд этилган халқаро конвенция ва шартномалардан 
ташқари мерос ҳуқуқи билан боғлиқ муносабатларни тартибга солувчи 
қуйидаги конвенция ҳамда шартномаларни ҳам мавжуд:
–
1994 йил 2 март куни 
Москва шаҳрида тузилган Ўзбекистон 
Республикаси билан Россия Федерацияси ўртасидаги