Ворислик ҳУҚУҚи амалий қўлланма Baktria press

Васият бўйича мажбурият юклаш
Васият қилувчи васият бўйича меросхўр зиммасига бирон-бир 
ҳаракатни содир этиш ёки содир этишдан ўзини тийиш мажбуриятини 
юклаб, бу мажбуриятни бажаришни кредитор сифатида талаб қилиш 
ҳуқуқини ҳеч кимга бермаслиги мумкин. Умумий фойдали мақсадни 
амалга ошириш учун васиятномада ижро этувчининг зиммасига худди 

---

ВОРИСЛИК ҲУҚУҚИ
62
шундай мажбурият юклатилиб, бу мажбуриятни бажариш учун мерос 
қолдирувчи томонидан мол-мулкнинг бир қисми ажратилиши мумкин.
Мажбуриятни бажариш зиммасида бўлган меросхўрга тегиши 
лозим бўлган ёки унга қарашли бўлган мерос улуши бошқа меросхўрга 
ўтса, мажбуриятни бажариш бекор бўлади.
Васиятномада мулкий хусусиятга эга бўлган ҳатти-харакатни 
содир этишдан иборат мажбуриятни мерос ҳисобидан бажариш 
юкланган бўлса, бундай васиятномада кўрсатилган мажбурият васият 
мажбурияти ҳисобланади.

---

III БОБ 
ҚОНУН БЎЙИЧА 
ВОРИСЛИК

---

---

65
§ 3.1. Қонун бўйича ворислик тушунчаси
Васиятнома бўйича ворислик фақат мерос қолдирувчининг хоҳиш-
иродасига асосан амалга оширилади. Қонун бўйича ворислик эса 
мерос қолдирувчининг хоҳиш-иродаси билан боғлиқ эмас. 
Амалиёт 
шуни 
кўрсатмоқдаки, 
кўпчилик 
ҳолатларда 
мерос қолдирувчи томонидан васиятнома тузилмайди ёки 
расмийлаштирилган васиятномада мерос таркибига кирадиган айрим 
мол-мулкларнинг тақдири ҳал қилинмасдан қолади. Бу ҳолатда 
мерос қолдирувчининг вафотидан кейин қоладиган ва васиятномада 
белгиланмаган мероснинг тақдирини ҳал қилиш лозим бўлади.
Шунинг учун Фуқаролик кодексида қонун бўйича ворисликнинг 
асослари, тартиби, қонун бўйича ворислар навбати ва бошқа ҳолатлар 
назарда тутилган.