Витамин препаратлари

ГИПЕРЛИПОПРОТЕИНЕМИЯЛАРДА ҚЎЛЛАНИЛУВЧИ ВОСИТАЛАР (АТЕРОСКЛЕРОЗГА ҚАРШИ ВОСИТАЛАР)
Атеросклерозга қарши воситалар қуйидаги гуруҳларга бўлинади:
I. Гиполипидемик воситалар
1. Қондаги холестерин (паст зичликка эга липопротеинлар – ПЗЭЛ) миқдорини бевосита пасайтирувчи воситалар
А. Холестерин синтезини сусайтирувчи воситалар (статинлар)
Левостатин Мевастатин Правастатин
Флувастатин Симвастатин
Б. Холестериннинг ичакдан сўрилишини пасайтирувчи воситалар
Эзетимиб
В. Организмдан ўт кислоталарининг ва холестериннинг чиқарилишини оширувчи воситалар
Холестирамин Колестипол
Г. Турли препаратлар
Пробукол
2. Қондаги триглицеридлар (жуда паст зичликка эга липопротеинлар – ЖПЗЭЛ) миқдорини пасайтирувчи воситалар
Фиброат кислотасининг унумлари (фибратлар)
Гемфиброзил Безафибрат Фенофибрат
3. Қондаги холестерин (ПЗЭЛ) ва триглицеридлар (ЖПЗЭЛ) миқдорини пасайтирувчи воситалар
Никотинат кислотаси
II. Эндотелиотроп воситалар (ангиопротекторлар)
Пармидин
ПОДАГРАГА ҚАРШИ ВОСИТАЛАР
Подагра касаллиги қонда урат кислотаси миқдорининг кўпайиши, бўғимларда ва бошқа тўқималарда унинг микрокристалларининг тўпланиб қолиши ва пешоб чиқариш йўлларида урат кислотасининг тошлари пайдо бўлиши билан кечади. Урат кислотаси организмда пуринли асослар алмашинувининг охирги маҳсулоти сифатида ҳосил бўлади.
Амалиётда подаграни даволаш мақсадида қондаги урат кислотаси миқдорини камайтирувчи воситалар ҳамда яллиғланишга қарши препаратлар кенг қўлланилади. Урат кислотасининг қондаги миқдорини камайтириш икки йўл билан амалга оширилади:
1) организмдан урат кислотаси чиқарилишини кучайтириш орқали;
2) урат кислотаси ҳосил бўлишини сусайтириш орқали.
Биринчи гуруҳ препаратларини урикозурик воситалар дейилади. Уларга антуран, этамид, пробенецид, бензбромарон препаратлари киради ва мазкур препаратлар подагра хуружларининг олдини олиш учун ишлатилади.
Иккинчи гуруҳ препаратларига эса аллапуринол (милурит) киради.
Яллиғланишга қарши восита сифатида стероид ва ностероид препаратлар кенг қўлланилади. Подаграда юқори самарадорликка эга бўлган препаратларга колхицин киради.