Viloyati xalq ta’limi boshqarmasi tumanidagi

Yangi mavzu mazmuni – 18 daqiqa:

“Qadimgi dunyoning yetti mo’jizasi” ertagi sahna ko’rinishi tarzida o’quvchilar tomonidan ijro etilib, mavzu yoritilib beriladi. Sahnada o’quvchilar tomonidan podsho timsoli yaratiladi.

Bor ekan-u, yo’q ekan, och ekan-da to’q ekan. O’rta Yer dengizi tarafda bir podsho o’tgan ekan. U adolatparvar, oqil-u – dono, ilm-fan homiysi bo’lib, yurtining gullab – yashnashiga harakat qilar ekan. Yer yuzida mavjud bo’lgan go’zal inshootlar haqida bilishga intilar ekan. Bir kuni mulozimlarini chaqirib, “Qadimgi dunyoning yetti mo’jizasi” haqida ma’lumot to’plab kelishlarini topshiribdi. Mulozimlar bir necha kundan so’ng qadimgi dunyoning yetti mo’jizasi haqida to’plagan ma’lumotlarni shohga birma-bir yetkazibdilar.
Yetti mo’jiza haqida. Qadimgi misrliklar O’rta Yer dengizi atrofi mamlakatlarida bunyod etilgan va o’z salobati, go’zalligi bilan o’sha zamon odamlarini hayratga solgan inshootlardan yettitasini “dunyoning yetti mo’jizasi” deb ataganlar. Ular quyidagilar:


Misr ehromlari. Qadimgi Misrda vafot etgan fir’avn jasadi uchun avval mahsus “uy” – tobut yasalgan. Bunday “uy” sarkofag deb atalgan. Fir’avnning mumiyolangan jasadi unga solingan. Keyin bu sarkofag doimiy turarjoyga – toshdan qurilgan maqbaraga qo’yilgan. Ana shunday maqbaralar ehromlar deb atalgan. Misr fir’avnlari o’zlari uchun katta toshlardan piramida shaklidagi ehromlar qurdirib qo’yganlar. Dastlabki ehromni me’mor Imxotep loyihalashtirgan.
Ehromlarning eng kattasini fir’avn Xeops qurdirgan. Uning balandligi 146,5 metr, poydevorining to’rt tomoni esa 233 metr bo’lgan. Bu ehromni qurish uchun 2 million 300 mingta tosh sarflangan. Eng kichik toshning og’irligi 2,5 tonna bo’lgan.

Semiramida osma bog’lari. Miloddan avvalgi VII asrda yashab o’tgan Yangi Bobil davlati hukmdori – malika Shomuramat (grekcha talaffuzda Semiramida) Bobil shahrida tarixga “Semiramida osma bog’lari” nomi bilan kirgan bog’ bunyod etgan. Bog’ to’rt qavatli saroy shaklida barpo etilgan. “Osma bog’” supaga o’xshash qilib qurilgan. Bu supalarni ustunlar ko’tarib turgan. Supalar ustiga tuproqlar tashlanib, unga rang-barang gullar, har xil ko’chatlar o’tqazilgan. Har bir qavatdagi bog’ga zinapoyalar orqali chiqilgan. Tepadsan pastga shildirab oqayotgan suv salqini haqiqiy mo’jiza bo’lgan.