Вилоят ҳокимлигининг

I. Ёшларнинг ҳуқуқий онги ва ҳуқуқий маданияти даражасини юксалтириш йўналиши.
Тумандаги секторларда Халқ депутатлари туман Кенгашига сайланган, бугунги кунда 30 ёшгача бўлган ёшлар мавжуд эмас. Сектор масъуллари бу борада тегишли маълумотга эга эмас.
Жазони ўташ муассасаларидан қайтган ёшлар иштирокида ўтказилган профилактик тадбирлар режалари, баённомалар ҳамда асословчи ҳужжатлар, шунингдек, қолган ёшларнинг бандлигини таъминлаш борасида қилинган ишлар тўғрисида ҳужжатлар тақдим этилмади. Сектор ҳудудида ёшлар иштирокидаги жиноятлар сони ўтган йилга нисбатан ортган бўлса-да, жойларда ёшларнинг ҳуқуқий саводхонлиги ва ҳуқуқий маданиятини ошириш борасидаги ишлар кўлами суст даражада олиб борилмоқда.

1-секторда Халқ депутатлари Иштихон тумани Кенгашига сайланган депутатлар мавжуд эмас. Ёшларга оид ҳудудий дастурларнинг ижро ҳолати бўйича маълумотлар сўралганда сектор котиби аниқ маълумот тақдим этмади.

2-секторда Халқ депутатлари туман Кенгашига сайланган 30 ёшгача бўлган ёшлар йўқ. Ёшларга оид дастурлар ижроси бўйича амалга оширилган, бироқ алоҳида тарзда тикиб борилмаган. Профилактик рўйхатга олинган ёшлар тўғрисида бирор бир маълумот тақдим этилмади.
3-секторда сектор котиби Халқ депутатлари маҳаллий кенгашларга сайланган ёш депутатлар, шунингдек, ёш раҳбарлар борлиги ҳақида билмайди.
4-секторда Халқ депутатлари Иштихон тумани Кенгашига сайланган депутатлар мавжуд эмас. Ёшларга оид ҳудудий дастурларнинг ижро ҳолати бўйича маълумотлар сўралганда сектор котиби аниқ маълумот тақдим этмади.


II. Ёшлар соғлиғини сақлаш йўналиши.
Иштихон туманида ёшлар ўртасида соғлиқни сақлаш тизимига тегишли муаммолар жами 548 тани, 1-секторда 157 та, 2-секторда 178 та, 3-секторда 128 та 4-секторда 85 тани ташкил этади.
Туманда семизлик касаллигига чалинган ёшлар сони 10 нафарни, паразитар касалликларга чалинган ёшлар сони 24 нафарни (энг кўп 2-секторда 6 нафарни (33,3%), жинсий касалликларга чалинган ёшлар 11 нафар (энг кўп 3-сектор 3 (33%) нафар), асаб тизими касалликларга чалинган ёшлар 36 нафар (энг кўп 3-сектор 12 (8,3%) нафар), рухий касалликларга чалинган ёшлар 280 нафарни ва энг кўп 3-секторга
76 нафарни ташкил этади.