«Виктор Киам ва «Remington» электробритваси» «Remington Products»

АМАЛИЙ ВАЗИЯТНИ БОСҚИЧМА – БОСҚИЧ ТАҲЛИЛ ҚИЛИШ ВА ҲАЛ ЭТИШ БЎЙИЧА ТАЛАБАЛАРГА УСЛУБИЙ КЎРСАТМАЛАР
Талабаларга йўриқнома

Иш босқичлари	Маслаҳатлар ва тавсияномалар.
1. Кейс ва унинг ахборот таъминоти билан танишиш	Аввало кейс билан танишинг. “Етакчилик” ҳақида тушунча ҳосил қилиш учун бор бўлган бутун ахборотни диққат билан ўқиб чиқиш лозим. Ўқиш пайтида вазиятни таҳлил қилишга шошилманг.
2. Берилган вазият билан танишиш	Маълумотларни яна бир маротаба диққат билан ўқиб чиқинг. Сиз учун муҳим бўлган сатрларни белгиланг. Бир абзацдан иккинчи абзацга ўтишдан олдин, уни икки уч маротаба ўқиб мазмунига кириб борамиз. Кейсдаги муҳим фикрларни қалам ёрдамида остини чизиб қўйинг. Вазият тавсифида берилган асосий тушунча ва ибораларга диққатингизни жалб қилинг. Вазият тавсифида берилган далилларни санаб ўтинг ва қайсиниси аниқлаштирилиши лозимлигини аниқланг
3. Муаммоли вазиятни таҳлил қилиш	Асосий муаммо ва кичик муаммоларга диққатингизни жалб қилинг. Асосий муаммони аниқланг. Бунинг учун қуйидаги саволларга жавоб беришга ҳаракат қилинг. Биринчи раҳбарнинг (муҳандис) асосий муаммоси нимада эди? Корхона нима учун таназзулга юз тутди? Ушбу вазиятга боғлик бўлган маълумотлардан келиб чиккан холда, Киам «Remington Products» компаниясининг эгаси бўлгандан сўнг, Врум-Йеттоннинг бешта раҳбарлик услубларидан қайси бирини қўллаган? Тўғри йўл тутганми? Киамнинг раҳбарлик услуби қандай бўлган: ишга йўналтирилганми ёки одамларга йўналтирилганми? Сизнингча, «Remington Products» компанияси нормага келгандан сўнг, у қайси томонга ўзгариши мумкин? Унга мосланувчан ёки адаптив раҳбарлик услуби керак бўлиб қолиши мумкинми? Асосий муаммо нимага қаратилганини аниқланг. Муаммонинг асосий мазмунини ажратиб олинг. Муаммоли вазиятни таҳлил қилиш – объектнинг ҳолатини аниқланг, асосий қирраларига эътибор қаратинг, муаммоли вазиятнинг ҳамма томонларини таҳлил қилинг. Ходимларнинг самарали ишлаши нималарга боғлиқ эканлигини кўрсатиб беринг
4. Муаммоли вазиятни ечиш усул ва воситаларини танлаш ҳамда асослаш	Ушбу вазиятнинг муаммоли жиҳатларни таҳлил қилиш учун қуйида тақдим этилган “Концептуал жадвал”ни тўлдиришга киришинг. Муаммони юзага келтирган барча сабабларни кўриб чиқинг, етакчилик сифатлари ёндашувлари асосида таҳлил қилинг. Жадвални тўлдиринг. Энди юқорида берилган саволларга берган жавобингизни таҳлил қилинг ва тўлдиринг. Кейс билан ишлаш натижаларини (хулоса) ёзма шаклда илова этинг

“Концептуал жадвал”ни тўлдиринг

Фаолият таҳлили	Фидлер раҳбарлигининг вазиятли модели	Митчел ва Хауснинг «йўл -мақсад» ёндашуви	Херси ва Блашернинг ҳаётий цикл назарияси	Врум-Йетон раҳбарнинг қарор қабул қилиш модели
Ходимлар билан муносабатда
Вазифаларни тақсимлашда
Қарор қабул қилишда