Viii. Malumotlarni va kartalarni rakamli tarzga aylantirish yullari Reja

Dalada va uzoq masofadan olingan ma’lumotlar
Keyingi yillarda geografiya axborot tizimlarida dalada kuzatilgan, geopozitsionli tizim orqali va sun’iy yo‘ldoshlardan olingan ma’lumotlardan keng foydalanib kelinmoqda. Dalada olingan ma’lumotlar geodezik asboblar yordamida, topografik s’yomka orqali olingan ma’lumotlarni o‘z ichiga oladi. Maxsus dastur “koordinata geometriyasi” (COGO) ma’lumotlarni geografiya axborot tizimlari uchun mo‘ljallangan formatga yozib beradi. Geopozitsionli tizimdan foydalanilganda eng kamida ikkita qabul qiluvchi vositalar ishlatilsa ma’lumotlar aniqligi oshadi. Ushbu usul “differensial usuli” deb nomlanadi va muhim bo‘lgan nuqtalarning koordinatalarini aniqlashda qo‘l keladi. Qabul qiluvchi vositalar olingan ma’lumotlarni turli xil koordinata va balandliklar tizimlarga aylantirish imkoniyatga ega. Ayrim geopozitsion va geografiya axborot tizimlari birgalikda ishlatishga mo‘ljallangan. Ushbu qo‘llanmada bu masalaga ko‘p e’tibor berilmagan.
Arofotosuratlar va sun’iy yo‘ldoshlardan olingan ma’lumotlardan ham geografiya axborot tizimlarida foydalanish imkoniyatlari katta. SPOT sun’iy yo‘ldoshdan olingan tasvirlar Internet orqali tarqalgani tufayli muhim manba sifatida ishlatilishi mumkin. Turli xil echimlikdagi tasvirlar alohida turgan uylarni bir biridan ajratishga imkon beradi va turli hil vazifalarni echishga mos keladi.